[COLOR=red]خلف العبيد " صحيفة عين حائل " خاص[/COLOR]
الشعر الشعبي دائما ما يكون حاضراً في جميع الاحداث التي حوله .. فهنا يصور الشاعر من خلاله تلك المعاناة التي اصبحت مدينة حائل على صداها يوم الأحد الماضي بحادثة نقل طالبات جامعة حائل وكأنها تجاوب شقيقتها مدينة جدة على الحريق اللذي الم بمدرسة براعم الاطفال الاهلية … موت هنا وهناك دموع ذرفت هنا وهناك أسباب مجهولة روايات شائعه قصص وعبر .. اجبرت الشاعر : سلطان بن نهار الاحمدي ان يخرج لنا ما تكنه قريحته الشعرية ليصور لنا تلك الاحداث تحت أبيات أليمه يخاطب بها كل من تسبب بتلك الحوادث ان يرحموا امهاتن ودعن بناتهم واولادهن بذمتهم ان يرحموا اباءً اودعوا بناتهم وابناءهم بين ايديهم ان يرحموا اطفال تيتموا خاطب وخاطب وخاطب … رتب معانيه على صور حزينه بها نترككم مع القصيدة اللتي اخرجها لكم المصمم الاستاذ : مرزوق الأحمدي
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
علمن لفانا بالضحى عقب الافطار= تناقلوه الناس عبر الرسايل
اللـه يصــبر من توالتــه الاقـــدار= ويجبر عزانا كلنا ياهل حايل
اشوف حـــايل جـــوها عج وغبار= جـوٍ مغيم فيه ســود المخايل
الارض تبكي والمباني والاشجار= والطفل والشايب وكل العوايل
حتى الشوارع تاهت يمين ويسار= وقــامت تشب كبودنا بالفتايل
حادث شنيع اليوم في دارنا صار= حادث بنات الجامعه كيف قايل
راح بضحية حــادثه والخبر ثـار= اربع عشر من دون ذنب وعمايل
اقــــــول للمسؤول مانقبل اعذار= وين الحــــلول ووين كل الوسايل
الى متى الاهمال يقصف بالاعمار =وكلن يبــرر موقفــه بالتحـــــــايل
مواقفٍ تحسب على مثلهم عــــار= وين الرجال اللي تحفظ الأصـــايل
بناتنا دايم علــــــى درب الاخطار= متنثرات ودمهن فيه سايل
وادارة التعليم تنبي بالاخبار= تعطي وعود ولانشوف الدلايل
والطرق مسؤوله عن صيانة القار= ومحاسبتها شرط مابه بدايل
لازم نحاسبها على كل الاضرار =وتصير للمخطين مضرب مثايل
بناتنا راحن على مد الانظار= الحل وين مأكده بالفعايل
حايل بها حادث وجده بها نار= شبت وسوت بالبراعم هوايل
كم عايله هلت من الدمع مدرار= وكم صدر بات من اسود الحزن شايل
واللي نجت من حادثة سير الاسفار= وتخرجت في بالها الهم زايل
ماتت قهر مع غبن في داخل الدار =ماوظفت لأن الوظايف قلايل
وحنا بدار العز هي دار الأخيار دار= السعود منزحة كل عايل
في ظل ابو متعب على كل الاقطار =سادت بحكمه حكم وافي الخصايل
وختامها يالخالق النافع البار= تجبر عزا سكان جده وحايل
[/poem]
رابط الفديو:
[ALIGN=CENTER][flash=http://youtube.com/v/wZ2-i71ybDQ&feature=youtube_gdata]WIDTH=500 HEIGHT=400[/flash][/ALIGN]
