[COLOR=red]ثامر الشمروخي " صحيفة عين حائل الاخبارية "[/COLOR]

تحركت المشاعر بعد وفاة الشاب فايد عوده الشمري الذي توفي بحادث مروع على طريق حــائل _ الشملي اثناء ذهابه الى عمله في الدفاع المدني في المنطقه نفسها…يذكر ان الفقيد كان وحيد امه……فقدم الشاعر عبدالرحمن الشلاقي قصيده عبارة عن مرثية لفقد هذا الشاب وقال :

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قالو توفى فايد ولعمره أعطاك= اصبر وتلقى عند ربك جزاكا

قلت الصبر في بعض الأحيان فتاك =ان فاوت حدوده يكسر عضاكا

دام العزاء يافايد يرجع بذكراك =عندي انا يافايد يبطي عزاكا

لو كل اخوياك تصبر وتنساك =يبقى الشلاقي واحدن مانساكا

لو فيه مثلك بين ذولا وذولاك =خاويت انا مثلك هذاك وهذاكا

لكن قليل اللي يسوي سواياك =ياصل مواصيلك ويعطي عطاكا

لو منت غالي عندنا مافقدناك =لو منت ولد رجال محدن نعاكا

الله يوسع مدخلك عند مولاك =ويأمرك باللي بمر المنيه خذاكا

ويجبر عزاء امك يوم خابت برجواك= اللي تبين في قصيده غلاكا

نفداك يابنت الأجواد نفداك =وانا تريني واحدن من ضناكا

وعسى العزاء يافايد يجبر دناياك= يجبر عزاء ام تركته وراكا

ويجبر عزاء اللي لاعته حر فرقاك =اللي فقد بأرضه مواطي خطاكا

اللي على طاريك يبكي وينعاك =مافيه ساعه يذكرك مابكاكا

يالله ياللي كل عبدن ترجاك= ياللي مخاليقك تدور رضاكا

تجعل فايد بظل خيرك وحسناك =عسى الفقيده ياالولي في ذراكا

تجبر عزا منهو ترجى خطاياك =اللي من الدنيا ترجى رضاكا
[/poem]