[COLOR=red]" صحيفة عين حائل الاخبارية " خاص[/COLOR]

بمناسبة تكليف الأستاذ القدير / نايف بن سعود المطلق مشرفا للإدارة المدرسية بمكتب بقعاء حيث كان يعمل سابقا مدير لثانوية بقعاء قام الشاعر نايف العتيبي شاعر عين حائل الاخبارية بكتابة ابيات بهذه المناسبة احتفالا وتقدير لهذه الشخصية المميزه والتى يطمح الجميع من مدراء ومعلمين وطلاب ان تكون خلال الايام القادمة تقود مكتب بقعاء بإذنه تعالى .

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قريت لي موضوع ياهو على الكيف = في عين حايل وابشرو بالبشاره؟
شفت الخبر منشور في موقع منيف=يقول نايف صار مشرف إداره
وكتبت فيه الشعر وسط المضاريف = والمدح في شرواه ماهو خساره
نعمٍ بنايف عد وبل المقانيف = واضح وضوح الشمس مابه قماره
كريم طيّب وانشدو عنّه الضيف = يكرم جناب الضيف ويبر جاره
ثقيل عاقل وان حكى كلمته سيف = مدير ناجح بإقتدار وجداره
سجله الحافل غني بالمواقيف = العدل والإخلاص هذا شعاره
واشراف نايف زاد الاشراف تشريف = لانه كفو من ساس عز وإماره
ابوه مثله بين الاجواد ماشيف= قليل نادر فيه حزم وجساره
مكرم ضيوفه بالدلال المهاديف = وصيانيٍ فيها السنام وفقاره
عز الخوي والجار ريف المناكيف = يعطي ماحسّب مثل راعي التجاره
قاد الزراعة للقمم والمشاريف = خدم بلاده واشكروه الوزاره
معروف مايحتاج نبذه وتعريف = حكيم في شوره سديدٍ قراره
دمعي لا حل سعود دايم ذواريف = لأن رحيله كسْر ماله جباره
ونايف طلع لسعود طبع وتواصيف = قياديٍ للطايلة به نماره
الله يحفظه من شرور الصواديف=ويبقى سميّي دايمٍ فالصداره
حبيّت آماري فيه من دون تكليف = واهديه من نبع المشاعر عباره
[/poem]