[COLOR=red]" صحيفة عين حائل الإخبارية " خـاص [/COLOR]
ضمن احتفالية اهالي بقعاء في عيد الفطر المبارك لهذا العام 1433هـ اقيمت امسيه ذات طابع خاص
بتميز شعرائها وبقوة قصائدهم والذي ابهج الحضور وسجل حضورا لهذه الامسيه المميزه كان فرسانها
الشاعر : قناع الناصر فهيد البقعاوي و نايف العتيبي وسعد الذرفي وهادي الذرفي
وعريف الامسيه الذي كان ربان لسفينة هذا التميز الاستاذ خالد العبيد وتخلل الامسية قصائد اجتماعيه
ووطنيه وغزليه ابهرت جميع الحظور وابهرتهم وفي اخر الامسيه تم تقديم
تقديم الدروع للشعراء وجوائز قيمه للجمهور عباره عن اجزه ذكيه واجهزة كمبيوتر وجوائز اخرى
ثم اقيمت العرضه النجديه بمشاركة اهالي محافضت بقعاء ثم تفضل الضيوف لصالة الطعام
وتناول طعام العشاء المعد لذلك.
القصائد التي قدمها شاعرنا نايف العتيبي :
[poem=font="Simplified Arabic,5,darkblue,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
1- بقعاء
توكلنا على اللي يقضي الحاجـات سبحانـه=تماثيـل القصايـد نبتديهـا فيـه ونقـولـه
ومن بعده سلام الله علـى بقعـاء وسكانـه=سلامٍ يشمل الديرة ويشمل من سكـن حولـه
رجالٍ طيّبه تفتح من أجـل الضيـف بيبانـه=مجالسهم حشى ماهيب مقفولـه ومعزولـه
هلا يامرحبا والشعر فيهـم طابـت أوزانـه=قصيدة توّها بأهل الوفاء والطيـب معمولـه
تماثيلٍ مثـل حلـوة نخـل بقعـاء وقنيانـه=بقلبان الشميلي واللويمـي جـات مغسولـه
مساء الخير من جاش الشعور ونبض وجدانه=عليكم ياهل الماجـوب والقيفـان مشعولـه
عدد ماغرّد القمري على الأغصان بالحانـه=عدد مارحّب البقعاوي بالخطّـار لا جولـه
تقدمت أنثر إحساسي لكم والنفـس طربانـه=بأهل بقعاء هل النخوة رجاجيله مع زحولـه
وقفت أسطّر حروفي وارتبها علـى شانـه=وتستاهل صفاة المجد بقعاء العـز والطولـه
ولا به شي مادام الأخـو يفخـر بإخوانـه=عوايل كلّها عـزّة لفعـل الطيـب مجبولـه
بني عم وقرايب تلتقـي والطيـب عنوانـه=صلة رحم ولقاءاتٍ بهـا الغايـات مأمولـه
ذوي القربى لهم حقٍ مثـل ماهـو لجيرانـه=حتى الدين وصّانا وكـل النـاس مسؤولـه
عسى الله لا يفـرق شملنـا ويعـز بنيانـه=ومن فضله وإحسانه يعـز الديـن والدولـه
وتبقى مملكتنا بخيـر ودايـم مرتفـع شانـه=تحت ظل المليك اللي جهـوده دوم مبذولـه
أبو متعب ملك والكل يبيه ويطلـب إحسانـه=مشاريـعٍ بناهـا تـودع الأفكـار مذهولـه
وحكومتنا حفظها الله هدفها خدمـة أوطانـه=هدفها دايم التطوير تـروم المجـد وتنولـه
وصلاة الله على منهو دعى للدين وأركانـه=شفيع الخلق في يومٍ يشيب الراس من هولـه
2- بشار :
يالله طلبـنـاك ياجـبـار=مالـك شريكـن ولا ثانـي
يامهلكن عـاد بالإعصـار=مخرج من الحوت يونانـي
ياثاني اثنين وسـط الغـار=تفرج لمن كـان حيرانـي
في قدرتك كل شيِ صـار=حتى العصا صار ثعباني !!
الشام تشكي من الأشـرار=غطّـو سماهـا بدخـانـي
من شافهـا قـال ياستـار=دمار شامل وعدوانـي ؟!
يارب تلعـن ثـوى بشـار=ويصيـر عبـره وينهانـي
لانه تمادى علـى الثـوار=قتـل شبابـن وشيبـانـي
جيشه على مايبـي جـزار=هـد المساجـد وبنيـانـي
حتى النساء حاصره بالدار=شـرّد عوايـل وسكانـي
أباد شعبـه علـن وجهـار=ماهمه حقـوق الإنسانـي
صب الحمم فوقهم والنـار=ذوّقهـم الويـل ألـوانـي
العالـم يـنـدده بإنـكـار=القاصي سبّه مـع الدانـي
حتى العرب سلموه إنـذار=سعود ابن فيصل وابن ثاني
لكن عسى القصر به ينهار=من قبل ينحـاش لإيرانـي
مثل معمر يمـوت الفـار=وتنشر لنـا جثـة الجانـي
تبثهـا نشـرة الإخـبـار=مات النصيري يالإخوانـي
وحسن نصرالله بغل وحمار=عميـل وعايـش بلبنانـي
وقف مع الطاغية بإصرار=يمـده بجيـش طهـرانـي
حرّف كتـاب الله الجـوار=مريض نفسي و وجعانـي
الرافضة هم سبب ماصـار=الحقد فيهـم مـن أزمانـي
دعى عليهم علـي الكـرار=يبقـون دايـم بخـذلانـي
3- بمناسبة شفاء عبدالله الخلف العبيد :
سلامتـك ياشبـل أميـر العشيـره=بقعاء واهلهـا يابـو خالـد تهنيـك
طهور يانسـل الحـرار الشهيـره=جعل المرض والباس والشر يخطيك
ياخوك بغيابك غشى الـدار حيـره=هم وكدر ياجعـل يفـداك شانيـك
تنشدني بقعاء : وين مكرم قصيره ؟=ولد خلف ابن الحميـدي بناخيـك ؟
وين الجدير اللـي فعولـه جديـره=وين العزيز اللي يعزك ويغليـك ؟
وين الشجاع اللي جهـوده كبيـره=وينه يانايف في غيابه انا اشكيـك ؟
قلبي علـى فرقـاه مثـل السعيـره=شهر وانا اوجس في حشايه دواكيك
شهر رمضان أقفى وعيني سهيـره=واللي غشاني يابو عبيد غاشيـك !
ومالوم بقعاء لـو تحـرك ضميـره=بقعاء يابو خالـد هواهـا مفاليـك !
وفي رجعتك ياخوك صارت منيـره=نورتهـا ياجعـل ربـي يخلـيـك
الشعر يقصـر والمعانـي قصيـره=لا جيت اوصّـف للبرايـا معانيـك
نعـمٍ ياعبـدالله نقـي السـريـره=عمي خلف على المراجـل مربيـك
الشعر يفخربـك ويزهـر عبيـره=ويشوش راسه كل ماحـل طاريـك
أبيات مدحي فيـك ماهـي كثيـره=وش ماكتبت وجبت ماني مجازيك !
طهور يانسـل الحـرار الشهيـره=جعل المرض والباس والشر يخطيك
4- حمزة كشغري:
ياإله الكـون يالعـدل المتيـن=يالعظيم اللي تعلاّ فـي سمـاه
أسألك لطفك وعفـوك يامعيـن=لا تواخذنـا بمـا قـال الجنـاه
المنافق داخـل بـلادي دفيـن=حيّةٍ تحت الثرى تلحس جمـاه
والمنافق لو كـذب لازم يبيـن=يظهره كفره وحقده مـن جبـاه
كشغري حمزة كفر يامسلميـن=سب نبي الله وسـب الله معـاه
علج ماسوني بلا ملـة وديـن=حارب الإسلام وابعد عن هـداه
قام يكتب في تويتـر مستهيـن=كـل كتاباتـه تبيّـن مسـتـواه
أخطأ الزنديق في حق الأميـن=والنبي حسن الخلق ربي عطاه
وفوق هذا مااكتفـى يامؤمنيـن=شكك الملعون بوجـود الآلـه
الله أكبر من فجور الساقطيـن=الله أكبر من تخاريف العصـاه
كل حرفن في تويتر لـه يديـن=كل جملة قالها تكشـف خفـاه
ماهو سعودي وأنا عندي يقيـن=كشغـريٍ مبـتـداه ومنتـهـاه
غرّه الشيطان وأصبح له قريـن=كل دربٍ يسلكـه يتبـع خطـاه
يابو متعب أدب القـرد اللعيـن=واتركه عبرة لجل كلـن يـراه
إقطع يدينـه يسـاره واليميـن=واصلبه تكفى وهذا هو جـزاه
وش نبيبه لو قضى عمره سجين=ودنـا راسـه يعلـق بالصفـاه
طالبك واللـي يواليـه ويعيـن=إمنعه ياسيّـدي والعـن ثـواه
أي لبرالـي وعلمانـي يبـيـن=لانثـر سمّـه وبيّـن محتـواه
5- الشيطان :
آهيـب يالشيطـان ياطـول عـمـرك=من قبل آدم وانت يا ابليـس موجـود
كـل همّـك الإنسـان بالله يـشـرك=تبي الكفـر والشـر بالعالـم يسـود
تسعى وتركض وانت عارف ومـدرك=إنك بيـوم الحشـر بالنـار موعـود
آدم هبط لـلأرض باسبـاب غـدرك=من حقدك المدفون خـاواك مطـرود
سمع كلامـك يـوم دقيـت صـدرك=صار اللي صار وبات بالزيف موعود
الله يزيـدك هـم ويـزيـد حــرّك=والله يزيـدك ويـل وتصيـر ملهـود
خيبه عليك , الكِبْـر غـرّك وجـرّك=لدروب ظلماء دونها البـاب مسـدود
عش ماشئت يا ابليس والعصر عصرك=مادام حبل العمـر مرخـى وممـدود
تمتـع بدنيـاك واسـكـن بقـصـرك=لكن تأكـد , كـل شـيٍ لـه حـدود
ومصيـرك المحتـوم بالنـار تبْـرك=تبكي علـى مافـات وأيامـك السـود
لو تعتـذر مايفيـدك اليـوم عـذرك=عمرك قضيتـه بالمعاصـي يامقـرود
حفـرت يالملعـون بيديـك قـبـرك=يامغويٍ فرعون وأصحـاب الإخـدود
واختامهـا يـارب عفـوك وستـرك=تبعدنـي يامعبـود عـن كـل منقـود
6- قصيدة مدح بالاستاذ نايف سعود السالم المطلق :
قريت لي موضوع ياهو على الكيف=في عين حايـل وابشـرو بالبشـاره
شفت الخبر منشور في موقع منيف=يقول نايـف صـار مشـرف إداره
وكتبت فيه الشعر وسط المضاريـف=والمدح في شرواه ماهـو خسـاره
نعـمٍ بنايـف عـد وبـل المقانيـف=واضح وضوح الشمس مابه قمـاره
كريم طيّب وانشدو عنْـه الضيـف=يكرم جناب الضيـف ويبـر جـاره
ثقيل عاقل وان حكى كلمتـه سيـف=مديـر ناجـح بإقتـدار وجــداره
سجلـه الحافـل غنـي بالمواقيـف=العـدل والإخـلاص هـذا شعـاره
واشراف نايف زاد الاشراف تشريف=لانه كفو من سـاس عـز وإمـاره
ابوه مثلـه بيـن الاجـواد ماشيـف=قليل نـادر فيـه حـزم وجسـاره
مكرم ضيوفـه بالـدلال المهاديـف=وصيانـيٍ فيهـا السنـام وفـقـاره
عز الخوي والجار ريف المناكيـف=يعطي ماحسّب مثل راعي التجـاره
قاد الزراعـة للقمـم والمشاريـف=خـدم بـلاده واشكـروه الـوزاره
معروف مايحتـاج نبـذه وتعريـف=حكيم فـي شـوره سديـدٍ قـراره
دمعي لا حل سعود دايـم ذواريـف=لأن رحيلـه كسْـر مالـه جبـاره
ونايف طلع لسعود طبع وتواصيـف=قيـاديٍ للطايـلـة بــه نـمـاره
الله يحفظه من شـرور الصواديـف=ويبقـى سميّـي دايـمٍ فالـصـداره
حبيّت آماري فيه مـن دون تكليـف=واهديه من نبـع المشاعـر عبـاره
[/poem]
واليكم الصور
[IMG]http://im24.gulfup.com/2012-08-20/1345413685355.jpg[/IMG]
[IMG]http://im14.gulfup.com/2012-08-20/1345420068319.jpg[/IMG]
[IMG]http://img20.imageshack.us/img20/1608/mg3754a.jpg[/IMG]
[IMG]http://im13.gulfup.com/2012-08-20/1345420188817.jpg[/IMG]
[IMG]http://img688.imageshack.us/img688/7097/mg3739.jpg[/IMG]
[IMG]http://im23.gulfup.com/2012-08-20/1345420130695.jpg[/IMG]
[IMG]http://img806.imageshack.us/img806/715/mg3746z.jpg[/IMG]
[IMG]http://im24.gulfup.com/2012-08-20/1345413685604.jpg[/IMG]
[IMG]http://img155.imageshack.us/img155/9083/mg3781.jpg[/IMG]
