[COLOR=red]"صحيفة عين حائل الاخبارية "[/COLOR]

بحضور عدد من الشيوخ والمسئولين وجموع من الأصدقاء والأقارب واكتملت الفرحه ايضاً بحضور الشيخ / جديع الغصيم الشمري بزواج نواف مرعي الفرحان القاء الشاعر نايف العبيد قصيدة شعرية بهذه المناسبة وهي :-

[poem=font="Arial,4,darkblue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ابدا بذكر الولي الفرد منشي الغمام+=سبحانه اللي فرض خمسٍ لنا كل يوم
الحمد له بالبداية والثناء بالختام=رحوم لكن على الطاغين ماهو رحوم
من بعد هذا لكم مني تحيّة سلام=من شاعرٍ يقدم ويقلط بوقت اللزوم
دعوة عزيزة لفتني من رجالٍ حشام=من مرعي ومن عياله والنعم بالقروم
في عرس نواف ابن مرعي يطيب الكلام=يالله عسى الخير والفرحة عليكم تدوم
عشانكم جيت تقديرٍ لكم واحترام=قصدي آبارك وآهنّي كل ضيف معزوم
نعمٍ ياشمر رجال الجود وأهل الحسام=تاريخكم شمس ماتحجب سناها غيوم
كل شمري اشهد انه يستحق الوسام=يطبخ في راسه سطر لامن نخيته جزوم
يوم المعارك وركض الخيل وقت الدحام=عدوكم طير بقعاء فوق راسه يحوم
الطيب بالشمري مثل العصب والعظام=من يوم يولد معه ينمو وحتى يقوم
واللي سواتي بكم لو يفتخر مايلام=لو الكرم له سماء شمر تكون النجوم
يقولها نايف ابن عبيد ذروة سنام=امشي على درب جداني واعرف السلوم
تمت وصلوا على محمد رفيع المقام=اعداد منهو عبد ربه ولجله يصوم

[/poem]