[COLOR=red]جـوال " عين حائل"[/COLOR]
الشعر ساحة وميدان رحب ، ينزله الفرسان وقد أعد كل منهم عدته وسلاحه وأدواته اللفظية والمعنوية والشعر وزن وقافية وفكرة وخيال ومعنى وعاطفة ، وكم من شاعر سما بالشعر وكم من شاعر سما به الشعر والشعر الشعبي أو ما يعرف باسم ( النبطي ) بوصفه أحد فنون الموروث الشعبي الذي يتوارثه الأجيال صار محط أنظار الكثيرين من المعجبين والمتابعين لهذا اللون ، كما لشعر الفصيح نصيباً هنا حيث أنه مستقبلا واعد وقد برز في الساحة شعراء كبار أثروا بشكل كبير في الساحة وجاء من بعدهم أجيال وأجيال تتعاطى الشعر وتنثر الإبداع.
فمن منطلق سياستنا في صحيفة " [COLOR=red]عين حائل[/COLOR] " الإلكترونية لخدمة المنطقة و شبابها في شتى لمجالات وتبني المواهب و إخراج من لم يسمح له الإعلام بالخروج من خلال هذا المنبر الإعلامي الذي هو منبر لكم فها نحن الآن نطلق لكم مسابقة [COLOR=red]سيف " عين حائل "[/COLOR] للشعر والشعراء .[COLOR=blue]وبجوائز قيمة وثمينة .[/COLOR]
[COLOR=crimson]شروط وقوانين المسابقة [/COLOR]:
1)الألتزام بالوزن والقافية الشعرية.
2) أن تكون المواضيع مكتوبه ولا تقبل المشاركات المنقولة فالجائزة غرضها استخراج إبداعاتكم جميعاً .
3) أن تقوم بكتابة قصيدة بالعامية أو بالفصحى
4)تحجب الأشعار التي تسئ لديننا الحنيف وكذلك الأشعار التي تتطرق للمواضيع الطائفيه والمثيره للجدل أو التي تحمل كلام بذئ .
5) سوف تتم كتابة المشاركات من جهة المتسابقين في موضوع مسابقة [COLOR=red]سيف " عين حائل "[/COLOR] للشعر و الشعراء فكل متسابق يسجل شعره ويقوم بإرساله كرد على الموضوع .
6) لا يحق للمتسابق الواحد المشاركة أكثر من مرة واحدة
7)المجال مفتوح لجميع الأعمار .
8)المجال مفتوح لعدد الأبيات .
9) المشاركة للجنسين ويقبل الكتابة باسم مستعار للنساء .
10) يتم إستقبال المشاركات من تاريخ 11 / 5 / 1431هـ و حتى 11 / 6 / 1431هـ .
11 ) نسبة التصويت تقوم اللجنة بتقييم القصائد بنسبة 50 % و الـ 50 % الآخرى تكون لزوار موقع صحيفة " [COLOR=red]عين حائل [/COLOR]" الإلكترونية .
12) سيبدأ التصويت على المتسابقين من قبل زوار الموقع إعتباراً من 12 / 06 / 1431 هـ و لمدة شهر كامل .
[COLOR=blue]للأستفسار والمساعدة الأتصال على :[/COLOR]
[COLOR=blue]مدير عام صحيفة[/COLOR] " [COLOR=red]عين حائل[/COLOR] " [COLOR=blue]الإلكترونية [/COLOR]
[COLOR=blue] الأستاذ / منيف بن مرعي الفرحان
0554877738
أو عن طريق الإيميل mmf-990@hotmail.com[/COLOR]
[COLOR=red]القصيده الاولى للشاعر:عبدالله أبن يوسف أبن هدلان العتيبي[/COLOR]
[COLOR=blue][ALIGN=CENTER](( الشوق ))[/ALIGN][/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الحقيقة قلت ابكتب وضيعـت الخطـاب=وضاعت أحلى القصايد قبـل تقرونهـا
والقلم مني تكسر علـى الكيبـورد ذاب=والقوافي تعض مـن الغبـن بسنونهـا
والمشاعر تجر الحرف رغم المصـاب=مـن معاليـق قلبـي تجـر لحونهـا
القمر يمسي بدر يـوم والثانـي يغـاب=أستغل فرصة زمانـك لا تغيـر لونهـا
ماتوقف حيـاة النـاس لحظـة عتـاب=ومايوقـف عليهـا غيـر مجنونـهـا
قلبي اللي غرس فية الزمن الـف نـاب=كـل ماقلـت هانـت زادت شطونهـا
كل ماقلـت بانـت عـوّدت للسـراب=اليالـي تحـدانـي عـلـى هونـهـا
كيف ابرقد وانا عينـي مـلاه التـراب=كيف انـام وعيونـي ماتبـا أجفونهـا
لو زمانـي كويـس ماعلينـا مصـاب=ولا على النفس من نـاس"ن" يعذلونهـا
لكن المشكلة طيـر"ن" كفـخ والغـراب=ازعج "ن" في نعيق"ن" حال من دونهـا
سجسج الشوق في قلب"ن"عن الغي تاب=وصفّرت نود ليل"ن" تسحـب لحونهـا
الهجوس أشلعت بي صوب ذيك الهضاب=بيـن بـرد المـوّدة ودافـي ردونهـا
يوم انا والغـلا كنـا بعصـر الشبـاب=نحلـم أحـلام ورديـة ونبـا نكونهـا
أذكر انه يقول أن خاطرك يـوم طـاب=من هوايـا لا تنسـى أيامنـا شلونهـا
واذكر اني تلعثمـت بهـذاك الجـواب=ثـم كملـت هـرج العيـن لعيونـهـا
وامسكت كفي بكف"ن" زهاه الخضـاب=وعاهدتني تصـون العهـد ولاخونهـا
وافترقنـا وحنـا ماحسبنـا حـسـاب=ان فرقانـا سنيـن العمـر مضمونهـا
[/poem]
[COLOR=red]القصيده الثانية للشاعر:نايف العبيد العتيبي[/COLOR]
[ALIGN=CENTER][COLOR=blue](( الطنايا ))[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
راكب اللي لامشى كنه أمير = ايتباهى ويتغنّج في فخر
أقصد الفكسار ليش إنه خطير =موترٍ بين المخاليق اشتهر
من قبل قولي تمثّل به مرير = ووصفه فرحان بأبيات وشعر
وارد اليابان صنّاعه خبير = يقطع أميال ومسافات ووعر
في مزاياته وفي شكله مثير = معجزة يابان إبداع وفكر
لمع زيكه كنه السيف الشطير = في يمين الشمري يوم الظفر
يوم يقبل مثل موسى بن نصير =وإن تقفيته عقيدٍ منتصر
أفنس الخشه تكل خشة بعير = عابسٍ وجهه تكل ضابط خفر
أبيضٍ لونه مثل سن الغرير =أو ذكر بطٍ على ضفّة نهر
كشنه الديباج وأسلاك الحرير = مقعدٍ طبي وتكّاية ظهر
والسيور اللي تدور وتستدير = كن توحاّبه صدى نايف صقر
لانوى الممشى وعزّم بالمسير = وش يسوّي الرنج عنده والهمر
مايدوّر به بدل شخصٍ بصير = ولاقناه إلاّ فطينٍ مقتدر
كل حاجه تستشير ابها شوير = ماعدى الفكسار لو عندك نظر
لنّه المجلوب للدرب العسير = لنّه المطلوب بدروب السفر
مايطقّه كل محتاج وفقير = ولامسح كبوّته الوجه الودر
مركب شيوخ وهوامير ووزير = والضعيّف يفرك ايدينه قهر
لاعطاه القاز سوّاقه يطير = واعتقد لوله جناحاتٍ شهر
نيزكٍ يقشع دياجير وهجير = مثل ماكوك الفضاء يرسل شرر
سايقه حرٍ من ربوعي جدير = من ضنا الهيلا طويلين العمر
انطلاقة رحلته تلعة زرير = ومدرجه حايل وشمّر يابشر
الطنايا فيهم أبياتي تحير = كيف أوصّف مفخرتهم في شطر
شمّر أهل الرمح والسيف الشطير = تقطف أرقاب العدى قطف الثمر
محتمين الدار لاصاح النذير = لابسين الطاس والجوخ الحمر
للمعادي حنظليل وزمهرير = وللموالي يوس فندي وزهر
تكرم العاني وتفزع للقصير = تنصر المضيوم وتدوس الخطر
من زبنهم ينعم ويصبح بخير = ومن تحداهم يبي ينطح صخر
كم عقيدٍ منّهم عوّد كسير = وقام ينطي ربعه دروس وعبر
وياصلاة الله عدد ماطار طير = للرسول اللي فدى الدين ونشر
[/poem]
[COLOR=red]القصيده الثالثة للشاعر:محمد بن فهد بن عبدالرحمن الجلعود[/COLOR]
[ALIGN=CENTER][COLOR=blue]طنش تعش[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لاضاق صدري سهرتي مع رجاجيل = ماني من اللـي سهرتـه في شتاتـي
والراس لامنه خـوى بالفناجيـل = بن حمر للـراس فـي معضلاتـي
ولاني من اللي يهدر المال بالليـل = يشري ذهاب العقل وايا الحياتـي
مايعرف الله في صـلاة التنافيـل = والفرض وآآآجد سجلوا له فواتي
ولطاعة امه والأبو مالقـى حيـل = ولشلته عزمه مـن القلـب ياتـي
تبكيه امـه فـي دمـوع هماليـل = دمعه تحدر ليـن حـد الشفاتـي
وابوه عقب العز وتقليطه الحيـل = اليوم ماسك في يمينـه عصاتـي
الجاهل اللـي حملـوه المكاييـل = اصبح رهينه في يديـن العصاتـي
وان جا لهم يبي الفزع من غرابيل = كلن يقول ارجوك ماهـي سواتـي
وصيتي لك يافتى اليـوم والجيـل = مر السجون وشاهـد المغرياتـي
كم واحد له قيل اشـرب فنيجيـل = طنش تعش وارتاح في هالحياتـي
طنش ولكن بالتعاسه رسى حيـل = عزاه لأمه كيـف تلقـى المباتـي
[/poem]
[COLOR=red]القصيده الرابعه للشاعر / منصور بن نايف الجلعود [/COLOR]
[ALIGN=CENTER][COLOR=blue]( وصف العروس )[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يقول ابن جلعـود والبـال محتـار=بوصف العروس اللي نسبها شمالي
تكفى طلبتـك ياجزيـلات الأفكـار=تجملي بالوصـف وقولـي بدالـي
قولي وغني و انظمي جزل الأشعـار=بـدار ٍ أهلهـا مكرميـن السبالـي
دار ٍ زهت بسعود والجـود والكـار=في ظل أبو متعب زعيـم الرجالـي
ديرت بعد حيي بها الوصف يحتـار=حايل بعـد حيـي وميتـي وحالـي
تكفى عطيني من هوى الوصف تعبار=تكفـى طلبتـك يابعـد كـل غالـي
قالت لي صوت كان بالوصف تحتار=قل هيه ثم هيجن وتلقـى الجزالـي
قل هيه ياللي مولـع بشبـت النـار=ودق النجـر ومبهـرات الـدلالـي
وقل هيه ياللي طربتك شوف الأزهار=وشوف النفـود ونايفـات الجبالـي
وقل هيه ياللي منوتك جمـع الآثـار=وأخبار حاتم وأبـو زيـد الهلالـي
وياللي ذبحك الصيف بالواهج الحار=وتشتاق لنسمات ٍ نسمهـا خيالـي
عليك بحايل كان بالـراس مشـوار=لقى عـروس ٍ نـادره بالجمالـي
تلقى رجال ٍ تكرم الضيـف والجـار=طيب ٍ طبيعي وضحكـت ٍ وابتهالـي
عليك بحايل ماتبي شـور وأشـوار=حايـل ولاغيـره بقلبـي وبـالـي
[/poem]
[COLOR=red]القصيده الخامسة للشاعر /محمد صالح البرجس[/COLOR]
[ALIGN=CENTER][COLOR=blue](حائل)[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حبيبتي جيتك من الحب كلي=جيتك بغني للسهر(ليل يا دان)
معشوقتي لايابعد كل منـ/ـلي=يا شوق عيني جيت اغني بالألحان
غنيتلك دام القصيد متحلي=معشوقتي يانورقلبي والاعيان
أخت الشموخ اللي لجيده تفلي=ياشوق من راسه به الفين شيطان
شيطان شعري للمعاني يدلي=شيطان يفهم بالقوافي وألأوزان
يا دان دانه(ليت شمر هلنـ/ـلي)=يا دانة العشاق والعود رويان
حبيبتي حايل وزينه كما اللي= اللي بكا الغربه (وعود لبرزان)
حايل وفنجال الغلا لك يزلي=مسكين من فارق حدودك وخسران
يام الشموخ اللي سماره مطلّى=(أجاْ)(وسلمى)ترتسملي بالاركان
لوني ماخاف الله يمك بصلي=آمنت بالله واتحلى بالايمان
لوني بدور من عسير لحولي=مافيه مثلك يا بعد كل الاوطان
انتي لحالك والبقيه تولي=يا شوق منهو بالتماثيل طربان
يكفيك حاتم بالوجود متعلي=الي بقا للطيب حاكم وسلطان
العشق توه من هواها وصلي=وانا لعنت ابليس وابليس ينهان
دامك حبيبة روح ما بك تغلي=حبك بقلبي ما تغيره الازمان
حتى ترابك صرت احسه يهلي=(ولا يبعد حييّّ غدت فيك عنوان)
جيتك وشعري كل مابه مولي=وليت ياوقتٍ بنا صار خوان
يا ليل دانه(ليت شمر هلنلي)=يا دانة العشاق والحب برزان
[/poem]
[COLOR=red]القصيده السادسة للشاعر /عبد الله سهل الشلاقي [/COLOR]
[ALIGN=CENTER][COLOR=blue](شيخ شمل الطيب)[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
صباح الهيل مدري يا صباح الشيح و القيصوم=و صباح العود و انفاس الندى للشعر مدفوعه
جمعته وسط باقة و العبق في وسطها مزحوم=وتنشقها ليا حدود الثمالة و أدركه جوعه
و منها مالنا مقصد سوى فاله عساه يعوم=و يبحر بي و أجيب من الفرايد جزلة بنوعه
ولا هي بالرثاء لأن الرثاء للي غدى مطموم=في قبره و الجسد من فوقه اللبنات مربوعه
ولاهي فلسفة شاعر حزين و خاطره محموم=ولكن شاعرٍ عيا و سكر دونه سموعه
ترك جل الكلام اللي يقول بموتة الزيزوم=قبل تسعة سنين و شوفته للناس و دموعه
لأنه داخلي ينبض من أيامه إلى ها اليوم=ولا عمري شكيت مفارقه بالحزن واللوعه
عرفته شيخ شمل الطيب في ربعه وباق القوم=رفيق الدله اللي من ورى بغداد مصنوعه
حفيد أهل الخوي وأهل النقى من تنصر المظلوم=دعوجٍ ترسن الباغي بحبل و سار في طوعه
وأنا سبطه و هو جدي ولا يمدح وسيع كموم=بسلم اللي يعرف أن القصيد يشح موضوعه
عمد كل القصايد لو توقف كنها المكصوم=يغالبها القليل من الفعول و باقي طبوعه
نعم صالح بأخو عليا تعزوى واحتضنه غيوم=تطاول بالصفات اللي تعجز من لحس كوعه
على ناره ضحى يومه وغيره مطبق الجاثوم=على صدره لو الديبان حوله ما لهم فوعه
تكامل بالشجاعة و الكرم ومعاون المهضوم=شهد له من غدى بين العرب كلمته مسموعه
عريب جدود صلب زنود راعي فود يوم ودوم=و أنا اشهد بأن كفه وسط طاسة طيب منقوعه
ليا من سل سيفٍ بالخطاء ينكس عنه مثلوم=بفضل الله عليه و من يسله يده مقطوعه
و طيبه نثره بين العرب خافي على المعلوم=و تباشر بالجزالة من يده فرده و مجموعه
على طاريه اقلب سبحة افعاله و انا مهموم=على اللي ردد الحكي القديم بتالي اسبوعه
أبسأل من يموت و هو مثل جدي علم وعلوم=يبي يبقى و يسقط من يعيش بسامك دروعه
عليل ما يعز و لا يذلل مثل طير البوم=ربى وسط الخرايب للبشر يا قل منفوعه
و ختمه مثل مبداها وشاعرها نفى للوم=شهادة حق في رجلٍ وجت للناس مطبوعه
[/poem]
[COLOR=red]القصيده السابعة للشاعر / سعود عبدالله عمرو المنيع البقعاوي [/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ألاواهنـــي اللـــــــــي بعـيد (ن) عن الدمام = ولاشاف لاصفـــــــوى ولاراس تنوره
ولاليت أنا ايام السعــــــــد سانـــعت بشمام = ولاحـــــــدت (ن) دنياي لشط وبحوره
حدتنــــي وحدتنــي وحضــي ربـض مـاقام = وحالـي من الحظ الردي دوم مخطوره
نحل عود جسمي مــن همومـي وانأ مـانام = أسـاهــر هـواجـيـس العنأ لعلنـت دوره
تـــزايــد وزاد الــهــم غــم ادخــول الــزام = الا لـيـتـنـي ماشفت انا الزام وعصوره
ولا كـل يـوم مـصـبـح الـصـبـح انـا عــزام = وعـيـني على شوفه وشرواه مجبوره
جـبـرهـا الـزمـان الـي هـرجله بحرف اللام = ولالا عـن الـي تـطـلـبـه صـار دستوره
أجـامـل وحـاول لـلــقـدم دفــعــتــه قـــدام = ومـن يـسـألن عن حالتي قلت مسروره
اخـفـي اهـمـومـن لـحـمـن بـالحشاء بلحام = رسـن بـالضمير وشيدن عالي أقصوره
علي تمضي الساعه شهر والشهر لي عام = وعـد الـدقـايـق مـثـل مـاعـد لـشهوره
عـلـى الـسـاحـل الشرقي وقلبي لحائل هام = يـهـومه ولاكـن رجـلـي الـيـوم مكسوره
ونـا الـي بـكـسـره بـالصراحه اشمام ايلام = والأسباب من ضيم الدهر سبب اعثوره
ولاكـن أبطلب وادعــــــــــــي الدايم الدوام = جـزيل العـطأ معــط العطايأ على شوره
ضـلال الضعيف وملتجـى الداعي المنضام = ولـي الـبـشر وال القدر مجري إنهوره
يفـرج لمـــــــن هو مرغمن بالزمـان إرغام = علـــــــى مايريب القلب واليد معسوره
[/poem]
[COLOR=red]القصيده الثامنه للشاعر / بركه صالح الرشيدي[/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هبت شماليه وزاد الهوى برد=في ليلةٍ فيها الزمان التفت لي
مغير أنا والليل و الجمر والبرد=وجرحٍ عقب هاك المواقف نبت لي
أدرج الحيله وتمشي على حرد=و تزيد بالعوجه لقلت إستوت لي
غيضي جماعاته ورى خافقي ورد=و كواكب إهمومي بليلي هوت لي
جالس وتفكيري ورى أفكاري الشرد=و أحلام عمرٍ عمرها ماصفت لي
لامالكٍ صره ولا مالكٍ خرد=ولاني خصيم الناس لو خاصمت لي
ولا لاعب إقمارٍ ولا حاذفٍ نرد=ولا أقص رجلي كان ماسجلت لي
الحال مستوره ورى ثوبي الجرد=والناس ماتدري بركضي و ختلي
مثلي مثل غيري دخل ساحة الطرد=و أنا الذي طرت مالا طرد لي
خشفٍ لطيف إصخيف بعيونه الغرد=منيتٍ دعيتها وإنتدعت لي
الخد قمرا و الشفايف من الورد=من غير قصدٍ في ناوي بقتلي
حال الزمن دونه وثم إنسرد سرد=وأبطى مشافه و السواه إنعمت لي
هو راح بالراحه و أنا طلقة الفرد=تشقني لامن عينه طرت لي
محبوب و أحبه و ثوب الهوى صرد=والعمر طرف و الزمان إلتفت لي
[/poem]
[COLOR=red]القصيدة التاسعة للشاعر /زايد عاتي الرشيدي[/COLOR]
[ALIGN=CENTER][COLOR=blue]شفني بقايا أنسان[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
شفني بقايا أنسان وقتي كما السيف=حظي كفيف وفرحتي حلم زايف
همي بحر وضلوع صدري مجاديف=والعمر مركب بين الامواج طايف
قلبي وطن وعروق قلبي تجاويف =للحزن وهمومي شعوب وطوايف
صكات بقعاء والقدر والصواديف =ورّتني اهوال السنين العجايف
اتبع خريف العم في رحلة الصيف=وازحف على حد لسيوف الرهايف
واهل الحسد والنمنمه والتخاريف=خلوا زماني تحت قب النجايف
حدني اسباعٍ تقانب ملاهيف=اول موالفهن وبعدين عايف
لا واخساره يالقلوب المواليف=ماهي ولافة عز ولفة هرايف
الليل مفتاح السهر والتكاليف=والصبح مفتاح القهر والحسايف
والصبر مفتاح الضلوع المناحيف=والحزن مفتاح الجروح الرعايف
والمصلحه مفتاح باب المواقيف=والواسطه مفتاح باب الوظايف
والفقر يفتح للوجيه المصاليف= باب الصلافه والضعايف ضعايف
لا صار لك حاجه ولالك معاريف = بشت القناعه راح ماله خلايف
يالليل وش عذر المعازيب للضيف = لا منها ضاقت صدور المضايف
قل للسوافي لو تهبهب عواصيف =عنها رقينا عاليات النوايف
تسفي وحنا فوق روس المشاريف= ماهمنا هرج الضعوف الزلايف
قل للضعوف اللي تحسب المصاريف=حنا ترانا ماحسبنا الكلايف
اهل المصالح لو تخاويك تشريف=بكره على رأسك همومٍ حذايف
ناسٍ اليا شافت معك مال ياحيف= وان قل مالك روّحوا وانت شايف
وان شحت ايدين الزمان المناكيف=نبقى على عهد الوفا مانزايف
وان طال بال الليل قل للسواليف= بوح السهر من ضيقة الصدر عايف
[/poem]
[COLOR=red]القصيده العاشره للشاعر / عبدالله بن سليمان المثيب[/COLOR]
[ALIGN=CENTER][COLOR=blue] (نصيحة محب)[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اضرب فجوج القاع غرب وتشريق=واضرب جنوب القاع واضرب شماله
رزقك على المعبود رب المخاليق=كل(ن) تجيله قسمته بالعدالة
توثق بحبل الولي خير توثيق=وسنة نبيه لا تدور بداله
وخلك لبيت الله مغرم وعشيق=حب لغير الله مالك وماله
لا تبدي الشكوى ولو حدك الضيق=لغير الذي ماخاب منهو شكاله
خل الخطاوي ثابتة دون تدنيق=واحذر يجي بخطاك زيف وجهالة
تفوز في حزه بها ينشف الريق=حزت لقى المعبود جل جلاله
يوم أن كل يم رب الملا سيق=وكل(ن) بما قدم حسابه يناله
تكسب بها دين ودنيا وتوفيق=وتكسب بها عند الاوادم جماله
لايغرك التصفيق ترى التصافيق=وسيلة الزراع يحمي حلاله
[/poem]
[COLOR=red]القصيده الحاديه عشر للشاعره / نوت الشمري[/COLOR]
[ALIGN=CENTER][COLOR=blue]اقول وينك ؟؟[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامقدّم اعذارك على حجة الصمت =بالك تحجج في زمان السكوتي
قم واجـه الشعّار في كثرت الشمت =شِربة مروقـه في زمان البلوتــي
وش بك كـذآ يكفي علينا تبلمت =ماهي لكم دايم كبير ( البخوتي )
أعقد حروفك زين لامن تكلمت=وشف لجنة الشعّار( سيفه) يموتي !!
قمة الم في مستوى الشعر هايمت=كن الشمــال استأصل لسان (( نوتي ))
ياقلبِ عجّل في منامي تحــلمت=إن النساء تنُصف حقوقـه و قوتي
بنافس الشعّار وبحكمه اسلمت=من خلف شرط (ن) ممنة به فلوتي
هذا لقب ((نوتي )) ليا من تفهمت=وغيره ابـد متبرقعه بالبشوتي
ياشاعري بأسمك كتبت وتلعثمت=إنته كفو لمنافس الطرق(( حوتي))
وينك دخيلك حِرفتك له تعلمت=هذا نداااائي لعاجل القلب صوتي
أقول وينك واعرف الله واسلمت=هذا قدر مكتوب لازم تموتي
يارب انا عشاقة الموت له همت=إتبعني اللي ينتخي بإسم ((نوتي ))
ويالله عسى زين الدعاوي له الهمت=وعساك بالفردوس ياقلب نوتي ..!
[/poem]
[COLOR=red]القصيده الثانية عشر للشاعر /نايف بن عيد العليا ني[/COLOR]
[ALIGN=CENTER][COLOR=blue]القلب القاسي[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أنا لما قسا قلــــــبي صلاتي هانت عليـا=ألا يالله يا ربـــــــــي فلا تجعلني شقيــــا
ثقيل في عبادتــــــي امرا بدا لي جليـــــا=اسئلك عونك ياربــي وارفع إليك يديــــــا
تبعد عني خطيئتــــي بعدالثرى عن الثريا=تسامحني في زلا تي وتجعلني عبدا سويا
أنت الذي خلقتنـــــي لولاك لم أكن شيـــــا=وأنت الذي رزقتنـــي دواما فضلك عليـــــا
صلات ربي وسلامــه على من بعث نبيــــا=محمد رسول الهـــدى بصلاته قرة عينيـــــا
[/poem]
[COLOR=red]القصيدة الثالثة عشر للشاعر /خلف سعود سلامه السويدي[/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يحسين من طاح الحيى عشره ايـام=ويشاف للبـاذر فقـوع ومـواري
ويذكر مفيض السيـل منـا وقـدام=شعبانهـا منـا الوقـه جــواري
وعلى الحدود فياض كالسـدر لطـام=ورض الحدق وام رضمه به خباري
وفيها من اهوات المقانيـص حـوام=والجو شامـي والمـلازم غـداري
وبالليل من قرب من الضـو ميـلام=برده يلسع من وقـوت العصـاري
وحنا قعود بهالرطوبـه مـن العـام=تقل سجنا والحكـم بمـرً وزاري
ننطر لهاذا اليـوم عطـاش وهيـام=لشم الشمال وممشنً بالبـراري
اسرع وهات الجيب خابرك مهمـام=الكان حصـل اجـازه بهالمحـاري
انا انتظرك ورابط العفـش بحـزام=والعزبه وشوزل وبعض المصـاري
نبغا جلد نبعد عـن الشـارع العـام=والجيب ماياقـف طـوال النهـاري
اللا دقايق ياوجب فرضً الـزام=ناقف نـودي واجـب الله جبـاري
ولاجا الغروب نجيب وقده ومظـرام=بالفيضه اللي سدرهـا لـه مـذاري
تحـت النجـوم بلاتيازيـر وخيـام=نبي نشوف انجومها وهن سـواري
ونسمر علـى بريـه وكيفنـا تـام=شقرا وبو شيبه عطاهـا شقـاري
ويمر ثلثينً مـن الليـل منـام=والنار نوقدهـا وتزيـد استعـاري
وبعد السهر نعطي للاجساد مسهـام=قصدن من الراحه دقايـق قصـاري
وقبل الطيور تطير من روس الارجام=وحنـا نلقـم بالـدلال البـهـاري
ونمل قرص الجمر ونشيـل بـولام=وعلى اتفاقً مسبقً للمسـاري
ونقظي شهر دون اتصالات وعـلام=على الكنـود مكالمتنـى اختيـاري
نبعد عن الازعاج والمـدن والـزام=نمشي هوا مافيـه اوامـر جبـاري
[/poem]
[COLOR=red]القصيده الرابعه عشر للشاعر/ ثامر مبارك طناء مبيريك التبيناوي الشمري[/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
(( سبايب من على بالي ))(( يهل الدمع من عيني )) = ((هماليله ))(( يشاديله ))(( حقوق المزن همالي))
((أنا اللي زاد غربالي))(( وبعد الشوق كاويني)) =((أنادي له ))(( وأوصي له ))((ولابه فود مرسالي))
((سبايب هرج عذالي ))((قطع مابينه وبيني )) = (( مراسيله ))(( مواصيله ))(( قطعها هرج عذالي ))
((حقيقه في خطر حالي ))(( على فرقاء محبيني )) = ((غرابيله ))(( وحبي له ))(( بدا يّـه مالها تالي ))
((عليه الدمع سَيَّالي ))(( ولاغيره يسليني )) = ((مداهيله ))(( منازيله ))(( نزل بالمنزل العالي ))
((أنا ماني عنه سالي ))(( ولا تركد شياطيني ))= (( على حيله ))(( تراعي له ))(( لعل الوقت يصفالي))
(( طموحاتي وآمالي ))(( وحب الشوق طاويني )) = (( حياتي له ))(( وعيني له ))(( لو إنه ماتعنالي ))
(( حبيبي لو تهيالي ))(( تريّح كل مافيني )) = (( أبحكيله ))(( وأبشكيله ))(( غرامه كيف سوالي ))
(( ألا يالصاحب الغالي ))(( دخيلك لاتخليني )) = ((ولو ليله ))(( طرف ليله ))(( أشوفك يابعد حالي ))
((وإذا جوّك ماهو خالي))((ترا صوتك يكفيني))=((قليله))((كان لك حيله))((يطيب الجرح طوالي))
((وحق المعتلي عالي ))((رجيته بك يهنيني ))= (( أصلي له ))((وأنادي له ))(( ولاغير الله الوالي))
(( ولا للعسر حلالي))((سوى عدل الموازيني ))=(( تفاصيله ))((وتسهييله))((بحكم الواحد العالي ))
[/poem]
[COLOR=red]القصيده الخامسة عشر للشاعر /مبروك خلف الجابر[/COLOR]
[ALIGN=CENTER][COLOR=blue]زمـان الغــدر[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أخر زمـن والله يعيـن الرجاجيـل =اللي لهم فـي مـاض الأيـام قيمـه
اللي علـى الوقفـات دايـم مقابيـل=ولا جيتهم بالطيـب تلقـاء حشيمـه
وبيوتهـم للضيـف دايـم مداهيـلي=لقـا بهـا علـم النشامـا غنيمـه
ارجال للأثقـال وحمولهـا أتشيـل=لونهـا مثـل الجـبـال المريـمـه
ارجال بالطـولات دايـم مشاكليـل=مـا تنحنـي لليـاس ولا الهزيمـه
راحوا هل الهقوات وهـل المعاميـل =اللـي أتـوردك العـدود القديـمـه
هذا زمان الغـدر والظلـم والميـل=عـز الذليـل وذل نـاس كريـمـه
وقت يحط الكدش في مربط الخيـل=والحر يكفـخ ميـر حالـه سقيمـه
المرجله عنهم كمـا نجمـة سهيـل=ومـا الـردى متمسكيـن بصميمـه
ساس الردى ياناس ما يوفي الكيـل=هذا كلام الصـدق ماهـي وهيمـه
ناس تعكس القـول والقـول تأويـل=وعميت عيونه عقب ماهـي سليمـه
والراي واضح مير خلـوه تضليـل=واما المواقف كـل ابوهـا عقيمـه
هذي صروف الوقت ياناقـل القيـل=خليتها مـا بيـن كـره أو نميمـه
وقفت احلل ماجرى اليـوم تحليـل=واحترت أنا مابيـن هـذا وغريمـه
لين إتضحلي منه ماكنت انـا اخيـل=شـي يغيـر بالعـقـول الفهيـمـه
وسلمت أنا امري للولي مجري السيل=محـي العظـام الباليـات الرميمـه
[/poem]
[COLOR=red]
القصيدة السادسة عشر للشاعر / راشد خلف راشد الزميل الشمري [/COLOR][COLOR=blue]
[ALIGN=CENTER]أبي خوي[/ALIGN][/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أبي خــــــــوي يقعد الرأس علمه=وأبي رجــــــــــل يفعل اللي يقوله
بعقله ودينه والمهم فيه ذمــــــــه=ويخاف ربه والمراجل بطـــــــوله
حكيمٍ صدوقٍ فيه الرحـم لأمــــــه=ما خاف هرج المخاليق عن زوله
صبور متريث ما يجيب المطـــمه=يأخذ حساب الناس لا حل قـــــوله
ما هو كثير الهـرج ثرثار في لمه=ولا قليلٍ ما تبين لك ميـــــــــــوله
عزيز نفس وما يهمن يهـــــــــمه=لو هو بعيدٍ دوم زايد قــــــــــبوله
شهمٍ شريفٍ دايم الدوم بالقـــــمة=صافيٍ قلبه لو تباطينا رســــــوله
ولا ناوي شـــــتات جمـوع ملتمه=ولا وده تعيش الناس معــــــزوله
عطــــــاه الله غلا خلقه وله كلمه=خيرٍ من كثير أمثال منقــــــــــوله
إليا أحتــدم رأي وعصبت المهمه=هي فرحةٍ لي والمديح أبيطــــوله
اليوم جيل وحوله الظــــــاهر أمه=مالك عزا يا كود علمٍ تنــــــــــوله
[/poem]
[COLOR=red]القصيده السابعة عشر للشاعر / الحميدي حمود السريع الشمري [/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالمنـتـدى واعـضـاه صـبـحـت بالـخـيـر=بــس اسمحـولـي يـــا جـمـاعـة دقـايــق
وبــعــده نـسـمــع رايــكــم بـالـتـقـاريـر=حـسـيـت ان قـلـبـي شـــوي مـتـضـايـق
الطـيـر يـــا خـبّــث لـــه الـجــو بيـطـيـر=وانـا ابـي احلـق لـيـن تصـفـى الحقـايـق
القـلـب بـــه هـاجــوس يـحـتـاج تفـكـيـر=بيـنـي وبـيـن احـلامــي الـفـيـن عـايــق
يـحـتــاج تـسـكـيـر ويـحـتــاج تـكـسـيـر=ويـحـتـاج تـدقـيــق لـبـعــض الـوثـايــق
يـصـيــر شـــــي مـاتـوقـعـتـه يـصــيــر=والـنـفـس تستـحـقـر حـقـيـر الـطـرايـق
هـمــوم مــواريــد وهــمــوم مـصـاديــر=كـلــه تـعــارف كـــان مـاهــي شـقـايــق
وان شفت حظي ماشي(ن) بي على سير=ا قـطــع سـيــور الـوقــت قـبــل تـهـايــق
واثـبّـت الخـطـوة عـلـى السـيـر واسـيـر=واغـسـل يديـنـي مــن عـنـا كــل بـايــق
واشوم عن شـيء(ن) رضـا بـه معيثيـر=وانــا احـمـد الله بـعــزة الـنـفـس لايـــق
[/poem]
[COLOR=red]القصيده الثامنة عشر للشاعر /ابراهيم بن عبدالله بن عبدالعزيز الجلعود[/COLOR]
[COLOR=blue][ALIGN=CENTER](( يالله طلبتك يامنشى السحابي ))[/ALIGN][/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يقول ابن جلعود مبدأ جوابي= ذكر الله الرحمن فيه استدليت
يالله طلبتك يامنشى السحابي= يافالقٍ حب النوى محيي الميت
يامسهل (ن) عسر الليال الصعابي=يامن تجيب لدعوتي حيث ناديت
ياغافر (ن) ذنبي قوي ماتهابي=ياواحدٍ مافيه غيرك تعاليت
يامجري (ن) فالسيل عال الشعابي=يامحصي اعمالي علنها وماخفيت
يارازق (ن) حياتها فالمخابي=يامفجّر الانهار ياسامع الصيت
ياراجم (ن) شيطانها بالشهابي =ياهازم الاحزاب ياحامي البيت
تغفر ذنوبي يوم نشر الكتابي=محصى العمل كله ولابه تفاويت
وتجيرنا من نار تزفر لهابي=عليه ملايكة (ن) وفيها عفاريت
واصوات اهلها مختلط بالنحابي=نار السموم تفتت الصم تفتيت
واحوال اهلها بالحزن واكتئابي=تطلب مزيد تقول انا ماتمليت
يالله ترحمنى وتجزل ثوابي=في ساعة المحشر لعفوك ترجيت
وتدخلني الجنة وتقبل متابي=ياواحد (ن) من فوق عرشك تعليت
جنّات عدن اسنان اهلها شبابي=والله وعد للي بنى مسجدا بيت
بالجنة الخيرات معها الشرابي=انهار تجري لذة ان رحت وانجيت
والحور فيها سترها بالحجابي=من حسنها مخه تشوفه بتثبيت
في جنةٍ من زعفران التُرابي =يوم القيامة حساب ماتنفعك ليت
نعيم جناتٍ ولابه عذابي=انس الاهل دايم وفيهم تسليت
واوصيكم ونفسي بزود الزهابي=واحفظ صلاتك طاعة الله بتوقيت
والختم صلوا عد شد الركابي=على الرسول وسنته به تقديت
[/poem]
[COLOR=red]القصيدة التاسعة عشر للشاعر/ مبارك طناء مبيريك التبيناوي الشمري[/COLOR]
[ALIGN=CENTER][COLOR=blue] ( النَخوّة التاليّه )[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حالتي بإختصار الجمله التاليـّه = حللَيَ كل حرف بدون خوف وقلق
مثل عيني غلاك وكلمتي غاليـّه = مثل روحي قضت روحي ورب الفلق
كان للقلب وآلي فأنتي الواليـّه = إحفظيه إربطيه بسلك وإلا حلق
أو لعله يضيع ولحظتك ساليـّه = ماهو ذنبي لعله بالجحيم إيعلق
لوعت المبتلاء ذنب اللذي باليـّه = مالي شف(ن) بغيرك لو عرضلي دلق
لأجل عينك ولأجل النَخوّة التاليـّه = الوفاءعادتي والصدق لي منطلق
آمري يالعنود وقيمتك عاليـّه = جل ربي خلق هذا الجمال وخلق
الليالي بَعَدك من الفرح خاليـّه = ليه صوبتي القلب الجريح بطلق
حالتي شوف عينك ممحله باليـّه = وإنتهى الصبرعندي والطريق إنغلق
وإنجَلَت فرحت الشاعر مع الجاليـّه = موعدك ياحياتي وش بلاه إنزلق
ذقت مر الليالي مابه الحاليـّه = مثل شمس الضحى بانت ورب الفلق
يابو مسند هموم القلب متواليـّه = والعلاقة بناسه مالقيت إمعلق
يوم كانت بريضان النفل فاليـّه = فرصت العمرجت لي والحجاج إنطلق
بشرع ربي يميني بالوفاء ماليـّه= صاده الحر وأبعدها خريش السلق
ذيروها وراحت قبل لإستاليـّه = خوفوها وصدّت والجديل إندلق
المهاء بالبهاء والملح متعاليـّه = بالعرب من يزاعمها بعد ما إنخلق
يابو مسند هموم الحزن متتاليـّه = قدرة اللي خلق كل البشر من علق
واحد(ن) يعلم اللي صار والتاليـّه = رب موسى ضرب موج البحر وإنفلق
[/poem]
[COLOR=red]القصيده العشرون للشاعر / فهد بن محمد الزيد[/COLOR]
[ALIGN=CENTER][COLOR=blue]( وش تبي بي ؟؟ ) [/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
إنت تدري عن غرامي ؟؟ ياترى وينك حبيبي !!= ياترى ليه التجافي ؟ دنيتي ظلمى بدونك
تكفى إرجع ياغلاتي .. عن عيوني لاتغيبي= يكفي بس زولك بجنبي .. يكفي بس نظرة عيونك
لاتفكر انت عادي .. فيك إحساسي غريبي=كالتنفس في شهيقي وفي زفيري يشبهونك
حس فيني وبعذابي .. انت لجروحي طبيبي=مو سهل والله غيابك .. شف دموعي يرتجونك
ومع دموعي جاك قلبي .. ذابل وحاله صعيبي= لعنبو حسك تحرك .. هالتغلي من فنونك
لعبتك جرحي وضيقي .. تنطرب لحظة نحيبي=شي عادي صار حبي .. أعشقك ولا أخونك
ومايهمك كل عذابي .. مبعدن ولا قريبي= تجربة طيش وتلاعب .. كل جروحي يعشقونك
لو سمحت أرجوك لحظه .. أنتظر منك تجيبي =وش شعورك لو تجرب !! بس طعنه من طعونك
ماأظن تفهم جروحي .. يوم تصرخ (وش تبي بي ؟)=لعنبو حيك ( أحبك ) وفرحتي ماتت بدونك
[/poem]
[COLOR=red]القصيده الحاديه والعشرون للشاعر / ماطر بتال الشمري [/COLOR]
[COLOR=blue][ALIGN=CENTER]][ .. صلاة غايب ! ..][ [/ALIGN][/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله يعيـن اللـي مــن الـهـم منـصـاب=والله يعيـن اللـي شـكـى مــن زمـانـه
تعـددت ضيقـات الإنفـس والإسـبـاب=وتـوارثــت هـــم وكـــدر فـــي بـيـانـه
خاويت انا في دنيتـي راس مرقـاب=وآصـبـحــت آنــــا ويــــاه ود ومـيـانــه
حـتـى تهـنـا بــي وآنــا مـنــه مـرتــاب=وآحــــظ عــيــن المـهـتـنـي و آمــانــه
شابـت آمانينـا علـى مـدخـل الـبـاب=والـحـلــم طــــاح ولالـقـيـنــا عــوانـــه
وصـار الآمـل ماضـي نغنـيـه بإسـهـاب=راحـت وراحــت مابـقـى لــه مكـانـه
غـرد بنـا طيـر الولـع ذوق وإعـجـاب=واليـوم ضــاع الطـيـر وآقـفـى حنـانـه
كـان الـوعـد قــدام والـيـوم آغــراب=تهنـا مابيـن اهــل الـوعـود وضمـانـه
زادت عذاريـب البشـر والعطـا شـاب=مافيـه شــيء "ن "يستـحـق إمشيـانـه
حتى الثقه ماتت وناحت هالإسراب=مـافـيــه مـايـوحــي لــربـــع الـتـكـانــه
وقـمـنــا وصـلـيـنــا ولا فــيـــه كٍــتـــاب=صـــلاة غـايــب والــدعــاوي جـنـانــه
وحـل الظـلام وآحتكمـنـا لـلأهـداب=والـنــاس تـخــدع وتحسـبـهـا ذهـانــه
[/poem]
[COLOR=red]القصيدة الثانية والعشرون ا للشاعر / سلمان شليويح الويباري الشمري[/COLOR]
[ALIGN=CENTER][COLOR=blue]جيت الرسوم[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
خذيت لي يوم(ن) مع البر سجه=ابي الوناسه لكن الصدر ضاقي
جيت الرسوم اللي شكت ضيم عجه=تذرى عليها ذاريات الدقاقي
ووقفت انا انشد وين من به توجه=كبار البيوت مكرمين الطراقي
عيني إلشوفتهم ثواني ترجه=لاشك ماترجع سنينعتاقي
جانا الزمان اللي بها الجيل دجه=واودع على كبود النشاما عراقي
صاب الشباب بتالي الوقت رجه=وكثرو هل النمات واهل النفاقي
بالهيلمه والظلم الابشار عجه=وذنوبنا وصلة لحد التراقي
وراع الحيا ماله به أيات حجه=ضاقت عليه فجوجها والنطاقي
والصدق راعيها وحيدن بلجه=اصبح لحاله مالقاله رفاقي
والناس بعلوم الخنا اليوم لجه=وبين الاقارب قل وصل التلاقي
دنيا دنيه للنشاما تهجه=واصبح قراحه فيه مر المذاقي
ويالله ياللي بأمرك السحب غجه=عقب العطش للنبت بأمرك تساقي
ترحم عبادن لك لوجهك ترجه=وتجعل لنا في ظل عرشك متاقي
[/poem]
[COLOR=crimson]
القصيده الثالثة والعشرون للشاعر /عبدالعزيزبن ابراهيم بن مطني الشبرمي[/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هاضت القيفان والخافـق معنـا =قالها مجرب شكى ميل الليالـي
شاب راس الشاب والله من زمنا =الزمن فيه الوفا شي استحالـي
والغدر والبوق صارن فيه فنـا =وروحت عادات وسلوم الرجالي
واصبح الطيب بهذا الوقت جنـا =مايبيه احد ولا يعطـا مجالـي
وذود اهل الكذب دوم يزرفلنـا =ولايرده غير من فيه احتمالـي
يصبر ولو من هرجهم حيل تعنا=ولاقوى للصبر غير اهل المعالي
الرجال اللي عزومه ماتثنا=ينطقون الحق لاجاله مجالي
مايعرفون الردى والا الممنا =لاعطوا ماهمهم قيل وقالي
وبالفعال يديهم مايقصرنا =ياخذون حقوقهم بالاكتمالي
[/poem]
[COLOR=red]القصيده الرابعه والعشرون للشاعر / عبدالسلام بن ابراهيم الحربي[/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
انت سيل في سخائك والنعم حتى بلغت بعطائك القمم=فأنت مقدام نسل الاشاوس ابن لمغوار شهدت له الامم
ادا نالت يدك الهم انجلى وادا كثر الحديث انت العزم=وادا نزل غيثك على ارض ارتوت وشرب الابل والغنم
ويحيا الكلا من بعد قفار وينبت الزهر والريحان يعم=وادا وطئت قدمك استبشر فقيرها وضعيفها والقوم
لك عادة الناس اقتدو بها العدل والعفو وازالة الغم=كم كربة زاحت عن صاحبها وكم مريض شفي من السقم
بلغت القصور بهامتك العلى حتى فاق وصفك وصف الهرم=ولى العهد ومحرر الاسر خلف القضبان ومن عليه دم
عهدك عهد الكرم انت له حل ووفائك يجري بشريان ودم=لك اطلالة تطيب بالنفس وكلاما ينزع الكدر والهم
محوت الظلم بزمن سادة الغدر وزرعت بالانفس العزم والقيم=حفظك الله من الشر والعلل وابقاك دخر للسلم والعلم
[/poem]
[COLOR=red]القصيدة الخمسه عشر للشاعر/ مسند عامر الحويفي[/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياليت مابه تغطيه عنـد هـداج=ولا يغطيه بث(ن) يزيـد انزعاجـه
عما يقيض النفس والشوف ينباج=وأقطن على هداج بواسع فجاجـه
والبيت مابه لمبة (ن) عنده سـراج=ونفطر على بر( ن) يصلح بساجه
وش ضر الاول علمهم خوش منهاج= الصدق فيهم وابتسامة حجاجـه
قلوبن توالف مابها غيض وعواج=والكل منهم صافين في مزاجـه
واليوم في نعمه وبه خير وهـاج=بس الحسد واجد ودينك علاجه
ونوع الماكول مع قشطة التاج=والتمر بدل بين فستق وباجه
ماغير اوضاع العرب يابن فراج=وضاقت عليهم مثل عنق الزجاجه
كثر التباغض والوشايه وهراج=الجار مايزورك و عده خواجه
يصد عن جاره تقل خايف احراج= خايف من الواجب ولو هي دجاجه
لله در الطيب لو صاحبه داج=مايسهج الواجب وعيب(ن) سهاجه
ماهو شبيه اللي صعد رؤس الابراج =اللي صعد بالكذب غبار(ن) عجاجه
ويالله يارازق ضعيف(ن) ومحتاج=رزقك ولانطلب من الخلق حاجه
[/poem]
[COLOR=red]القصيده السادسة والعشرون للشاعر / محمد بن جزاع الجحيشي الأسلمي[/COLOR]
[ALIGN=CENTER][COLOR=blue](..غرتك نفسك..)[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
علم(ن) يجيك ويا صلـك ويتعـداك=يا اللي على درب المعاصي تسيـري
غرتك نفسك شفتها اليـوم تزهـاك=لو كنت شيخ القـوم وإلا الأميـري
لو كنت تاجر تملـك الآف الأمـلاك=دكتـور والا مستشـار ووزيــري
لو كنت مهما كنت قولـي تغشـاك=ولا اخشى بقول الحق إلا القديـري
خلك مع اللـي كونـك ثـم سـواك=وارسل لك الحق البشيـر النذيـري
محمـد رسـول الله للخيـر يقـداك=إلزم مساره ما يبـي لـك شويـري
يرضى عليك الله والنـاس ترضـاك=ويصير لك ربي عويـن ونصيـري
وترتاح بالدنيا وإذا مـت يجـزاك=جنات عدن (ن)في ظلالـه تصيـري
وإن حدت عند دربه ترى بليس خاواك=تارد معه نـار(ن) لهبهـا سعيـري
عصيت رب(ن) عالم(ن) في خفاياك=يحلم عليك وتحسب إنـك شطيـري
وتندم على ما فات ويطـول مبكـاك=وتقول يا ليتـن تبعـت البشيـري
ويوم الحشر كل(ن) يفر يتحاشـاك=أبوك وأمـك وأخوتـك والعشيـري
كل(ن) يقول ابعـد ولا اريـد لقيـاك=لا نـي قريـب لـك ودور لغيـري
وتذكر أيـام الرخـى حيـن بلـواك=بدنيا الغرور اللي مقامـه قصيـري
نفس(ن) تحثك للمعاصـي تحـداك=وإن جاك ناصح بالظهر تستديـري
طعت الذي قـاد السفينـه ودهـواك=يا فلان تو العمـر تـوك غريـري
واليوم تبكي الدم من حر مـا جـاك=والنار صوبك له شهيـق وزفيـري
لكن مدامـك حـي إعمـل بدنيـاك=ليوم(ن) ذكره الله يشيب الصغيـري
بيوم(ن) تبيد الأرض وتبيد الأفـلاك=يوم(ن) شديد(ن)ما يوصّف عسيري
ترني من اصحابك ولاني من إعداك=يوم أنصحك يا خـوي والا اشيـري
ودي تفـوز وتاخـذ كتـاب يمنـاك=السن ضاحـك والوجـه مستنيـري
وتروح للجنة ويـا طيـب ملفـاك=جارك رسـول الله نعـم القصيـري
[/poem]
[COLOR=red]
القصيده السابعة والعشرون للشاعر / فهد بن حمدان الهربيد الشمري[/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مالت الشمس غرب وراح يوم(ن) جديد=وأبتدى الليل وأقبـل لونـه السرمـدي
راح يوم(ن) علينا فـي عملنـا شهيـد=والقلـوب بسباتـه والسنيـن تـعـدي
يالله إنـي طلبـتـك يـإلـه العبـيـد=ياكريم(ن) يجـاوب دعـوة المهتـدي
رحمتك ياإلهـي فـي نهـار الوعيـد=ياعظيم(ن) لغيرك حالفـن ماأسجـدي
قاله اللّي تعلّـم وأبتـدى مـن جديـد=والمواقـف دلايـل والـدّروس تهـدي
شفت منهو يجينـي بالنهـار الشّديـد=بالشّدايـد عضيـدي باللـزوم سنـدي
الحرار البتوعه من قنص بـه يصيـد=والرّدي لـو تكشّـخ بالملابـس ردي
شفت ناس(ن) كثيره بالفراغـه تسيـد=وباللّـزم يانخيتـه تختفـي وتـغـدي
أذخر اللّي خوالـه ينطحـون الضّديـد=مايغيب إن بغيته لـو يغيـب الجـدي
لاتخاوي سوى اللّي بالخطـر مايحيـد=ياأرزف أبليس يضرب هامة المعتـدي
قاله اللّـي تخـرّج بالزّمـان العنيـد=بين مرّ التجـارب والرفيق الـرّدي
من وصلني وصلته لو هو أبعـد بعيـد=ومن قطعني قطعته لو يكـون ولـدي
بالقسى قلبي أقسى من قـوي الحديـد=وإن بغيت المحبّه بعت عمـري فـدي
وبالقناعه كأني حـزت مـال الوليـد=ياخفوق أستريـح وياعيـون أرقـدي
جلّ منهـو يـدوم وكـلّ خلقـه تبيـد=جـلّ شانـه يـدوم وماسـواه يغـدي
راح دور الصحابه قبل دور الرّشيـد=وكلّ زرع(ن) يجيله موعد ويحصـدي
[/poem]
[COLOR=red]القصيده الثامنه والعشرون للشاعر / فالح الناهي الشمري[/COLOR]
[ALIGN=CENTER][COLOR=blue](( إمعات العصر ))[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
فتيل شعـــري من لهب غـــيرتي شب = والغرب هب لـجـمــر فــــكـري وشبه
وياقـــاف لا ناداك داع الشـــــــرف لب = وهــــذي حمـــى الإســـلام ياقاف لبه
يا أهـل البدع وامراضكم مالها طب = إلا إتـبـاع الشـــرع و الشــــــرع طبه
كل مـانـثــر راع الظــــلاله لكم حب = جـــيــتـــوا بــلا تـمـــيـيـز بـآثـار حبه
ياتــابـعــــين الغــــــــرب تباً لكم تب = هــــذي خــــــذوهـــــا لوم والا مسبه
خــليـتـوا الشــرع الـمـنـزّل مـن الرب = وســــرتوا ورى مـــن صارت أهـواه ربه
لو يدخلون من الجــهل في جحر ضب = رحـتــوا وراهـــــم ياعقـــول التشبه
يا أمــعــات العـصــر لــو عندكم لب = مـاطـعـتـــوا اللـي ضــــاع دينه ولبه
العـــزه بديـن ٍ عـــــن عـقــولــنــا ذب = كــل مـايــنـزّل قـــــــــدر الإنسان ذبه
مسـلـم ليا هب الشرف خافقي هب = أتـبـع سـنــن طـــه .. وفـيـه آتشـــبه
ماني بـخـب .. ولانـخدع في فعل خب = وشيءٍ يـجــي من غير تشــــريع أكبه
مسـلـم ولا حـــــــــدد مواعيد للحب = دقــايـقي كـــلـــــه ســــــلام ومحـبه
[/poem]
[COLOR=red]القصيده التاسعه والعشرون للشاعره / نجد [/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يقل من مثلك بطبعه يحاليك=بين الدول يادولتي مايجونه
يامملكه لاعاش منهو يعاديك=ولاعاش من غرس الفتن يزرعونه
اصل القيم والعلم من نبع اراضيك=مدارس الاخلاق بك يسسونه
ياطول عزك دام نايف يحاضيك=يبطون مانالو منك مايبونه
يامملكه ياسعد منهو سكن فيك=يرفل بثوب واسعات ردونه
دام الشريعه منهجك من يجاريك=مدام نايف هازع لك غصونه
علي قراح الماء وروي محانيك=مدام نايف فجره في يمينه
يتعب عدوك ماتتبع مماشيك=ولانال من مجدك بشوفة عيونه
يامملكه بالروح والمال نفديك=حراُ ثراك ولاتجيك المهونه
ام حنون العمر كله نراعيك=يادرة حق علينا نصونه
نغليك فطره ياوطن حبنا ليك=صغيرنا يفطم على الموت دونه
[/poem]
[COLOR=red]القصيده الثلأثون للشاعرة/ تميمية [/COLOR]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مــشـــيــت لـــم ديـــرة الـــخـــلان = يــوم الــربـــوع الــعــصــيـْــريــة
أقـلـعـت بـالــطــائــرة بـإيـــمـان=عـبـر الـخـطـوط الــــســعـــوديــة
والــحــمــد لله عــلــى مــاكـــــان=وصــلــت دار الــــشـــــمـــــالـيــة
وقـمـت أسـئـل الـخـلـق والأخـوان=ولا جــابــوا الــنــاس طــــــاريـــة
روحـــي خـــذا روحــه الـرحـمــان = ولا عـــاد لــي نـفــس بــالــجـيـــة
هــاكــم مــن الــقــاف والألــحــان=هــذا جــــواب الــتــمــيــمــيــــــة
[/poem]
[COLOR=red]القصيدة الحادية والثلاثون للشاعر /صحــــن حاضر الجنفاوي[/COLOR]
[ALIGN=CENTER][COLOR=blue] ( صادفتها في برزان ؟؟) [/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مريت بالصدفة على سوق برزان =مالي غرض ياخوك حظي رماني
تعبت أعاني من هوى الحب بردان =ومن السهر حتى قريبي جفاني
والصدفة اللي ساقت الزين بلشان =توقيت عِرسه ينحسب بالثواني
فاجأتها وبوقفتي عين ولهان =وغرورقت عينه وش الله بلاني
صاحت وقالت(ياصحن) وش بقى الآن =غير البحر من غير مرسى ومواني
عجزت أجاوب من دموعن بالأعيان =وعجزَت حروفي تنطلق من لِساني
لنّــه رقيقه من ضحيّــآت الأزمان =وإني اعرفه زين قصــة زماني
وقامت تهل الدمع وتمش الأوجآن =ونبرات صوته تشتعل بالأماني
وبالسلهمه كنّــي تفهمت الألحان =لحن الحزين اللي من الحب داني
ثم دمّــعت عيني على مر الأزمان =ومصيبتي بالوقت دربي عصاني
هذا ردى حظّــي من العام حيران =بنفس المكان الصعب ربي حداني
صديت عنها لكن القلب شفقان =ومن زود حبه يعجزنّ المعاني
[/poem]
[COLOR=red]القصيده الثانيه والثلاثون للشاعر /موسى محمد الصامل[/COLOR]
[ALIGN=CENTER][COLOR=blue]ما هانت الفرقى[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ما غابت الذكرى ولا غاب غاليك =لا يا بعد كل الصبايا والاصحاب
باقي من الذكرى سواليف طاريك=باقي خيالك يسري الليل مرتاب
باقي جروحي تنتظر لمسة يديك=باقي خفوقك ينشد الجرح ما طاب
عيني تشوفك باخر الدرب تبكيك =قلبك يقاوم باول الدرب منصاب
اللي ذكرته واضح انه يكّفيك=واللي نسيته عالقن بعد ما ذاب
اللي بقى لي تستحقه لياليك=واللي بقى لك ما حسبنا له حساب
والغيمه اللي اتجيبني ثم توديك=باحت صواديف الليالي بالاسباب
هذا الفراق وما يبي اي تشكيك=هو الحصاد اللي نتج بين الاحباب
امر الفراق اللي تركنا مهاليك =مكتوب من قبل نتكّون من تراب
يا صاحبي كل الحنايا تناديك=في غيبتك في جيتك جرح ما غاب
اصبح على همك وهمي يمسّيك=واخاف من همي يمسّي ويغتاب
اقرا حروفك واتنفس معانيك=وتجول بي ذكرى لكل لحظة غياب
اتأمل الواقع من دون عينيك=ما كنه الا موته لـ شخص ما تاب
لا يا زمن خلاص يكفي تماديك=خليتني بين المخالب والانياب
ما هانت الفرقى ولا هان مغليك=لا يا بعد كل المرايا والاهداب
ادري شقيت وظامياتن محانيك=لكن تصبّر لين تفتح الابواب
وازف شعري لين تروى مظاميك=وان ما روت ما اكون انا قد الاعجاب
ولا تلومني لو جيت خلف الشبابيك=لاني قريب ومعتبر ضمن الاغراب
[/poem]
