[COLOR=red]سلطان العايضي " صحيفه عين حائل " [/COLOR]

تتحرك المشاعر وتنجذب النفوس ليوم التوحيد الذي شهد عليه اراضي وطننا الغالي وعزة الانتصار التى يفتخر بها كل سعودي وبهذه المناسبه الغاليه على كل شخص ينتمي لهذا الوطن العزيز هناك مشاركة يقدمها ملبس بن صالح بن دحام الزبني عبر " [COLOR=red]صحيفه عين حائل الالكترونيه [/COLOR]" تشمل ابيات تعبير منه لمحبته لوطنه والاحتفاء بهذا اليوم الغالي على الجميع

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لليوم الوطني غنَّيت بالحون = الحمد والشكر للرب منشي غمامه
بديت بإسم الولي خالق الكون= الواحد الأحد اللي رفيعٍ مقامه
وأبديت اللي ابداخل الصدر مكنون= أبا أغيض به أهل الحسد والنمامه
إبحب الوطن والولاء القلب مرهون= وياحيف كيف الصعلوك ينكر عمامه؟
ياليت الكلاب الضَّالَّه يستريحون= متى مشى النمر والذيب خلف النعامه؟
هذا صدى نداي يالربع تكفون= النجاه مادام هو مفتوح باب السلامه
وهذا صدى نصيحتي كان ترجون= عفو الحي القيوم يوم القيامه
وإذا الحقد والكبر صدكم مثل قارون= اسمعوا كلام الصدق يا أهل الفهامه
ياسجاح ويامسيلمه كان توحون=الشعب شرقه وغربه جنوبه وشامه
لو هي عجوزٍ طاعنه مالها إسنون= مادام هي من آل سعود حب وكرامه
الأسره اللي إسمها دوم مقرون= إبتنزيه الرب وتحكيم محكم كلامه
إذا أنتم إلتاريخ أمنِّا نجد تقرون= حنا عشنا حياة الرضاع وفطامه
أجدادنا اللي مابين طاعن ومطعون= وعاشوا بها حياة الشقاء والندامه
أنقذهم الله رب موسى وهارون= ثم أبو تركي إبحد صارم إحسامه
ابيمناه سيف وبالثانيه غصن زيتون= حفيد أنصار الدين وأهل الزعامه
فارس وقايد ومصلح ومأمون= شبل عرين أسود حجر اليمامه
قبله شملنا إمشتت وإنعيش بغبون= الخوف والفقر والجهل مع ظلامه
وأصبحنا أخوه في الله وإبليس ملعون= متعاونين على البر والتقوى والإستقامه
وهذا الخلف على درب الأسلاف يمشون= بالتوحيد والعز والشرف والكرامه
خادم الحرمين له إبطولة العمر يدعون= عبدالله اللي الشرع المطهر أوسامه
وسلطان ولي العهد بالحرب له عون= وعدو طغمة الإرهاب نايف إحزامه
هم غيَث الشعب وللوطن درع وحصون= والشعب يفديهم في رضا وابتسامه
غير الدين والأمن والعافيه وش تريدون= يا شعبنا يا أهل الوفاء والشهامه
إذا نهق حاقد وحاسد ومجنون= نرميه بالبرميل وسط القمامه
ترى الجحر اللي بالثعابين مسكون= إذا ما هدمته عليك تدبي هوامه
والجو اللي بغبار الإرهاب مشحون= حد الصارم المسلول يذهب كتامه
ونحمد الله إعدانا من هون في هون= ولا تنحني لنا غير لله هامه
الدنيا لهو وأحلام وأفلام كرتون= والمال أما سبب خير والاَّ ملامه
ولو عاش بالدنيا الآدمي عدة إقرون= ما يأخذ منها أكثر من ذراعين خامه
وأما الكنز اللي للإنسان مضمون= طاعة الله ورسوله ثم طاعة إمامه
وانصلي وإنسلم مية الف مليون= على النبي صلاة ربي عليه وسلامه

[/poem]