[COLOR=red]عبدالله السويدي " صحيفه عين حائل "[/COLOR]

تتحرك المشاعر وتنجذب النفوس ليوم التوحيد الذي شهد عليه اراضي وطننا الغالي وعزة الانتصار التى يفتخر بها كل سعودي وبهذه المناسبه الغاليه على كل شخص ينتمي لهذا الوطن العزيز هناك مشاركة يقدمها [COLOR=blue]الشاعر / زيادعكروش الضويلي [/COLOR]عبر " [COLOR=red]صحيفه عين حائل الالكترونيه[/COLOR] " تشمل ابيات تعبير منه لمحبته لوطنه والاحتفاء بهذا اليوم الغالي على الجميع

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله ياكاتب تصاريف الاقدار=مبداي باسمك ياعزيز الجلالي
اطلبك تحفظ دارنا دار الاحرار=دار السعود أهل الظفر والمعالي
دار ٍ به معزي جمع شمل الاقطار=وحّد قبايلها جنوب وشمالي
هاك الإمام اللي طوى عسر الاسفار=حاز المراجل أوله والتوالي
جا بعده عياله طويلين الاشبار=رسم لهم درب السياسه عدالي
منهاجهم ثابت له الدين معيار=والشعب كله للحكومه يوالي
وارواحنا دون الوطن درع وستار=لجل البلد ترخص عمار الرجالي
ابديت أنا الاشعارفي وسط الاسطار=من هاجس ٍ يحضر جزيل المقالي
بمناسبة يوم الوطن صغت الاشعار=يوم ٍ على كل الشعب حيل غالي
يوم الوطن لاهل الوطن رمز وشعار=تعبير عن زود الولا باحتفالي
في ظل ابو متعب زعيم البلد صار=للخير في كل المناطق مجالي
الكل يدعي له من صغار وكبار=شي ٍ وكاد ولا عليه الجدالي
الله يحفظه من صواديف الاقدار=القايد الغالي رفيع المعالي
وارجع واهني دارنا دار الاحرار=في يومها الغالي يزود احتفالي
هذا وصلى الله على سيد الابرار=صفوة عباد الله حسين الخصالي

[/poem]