[ALIGN=CENTER][COLOR=red]عادل الراضي ( عين حائل )[/COLOR]
في أولى امسيات الساحات التي انطلقت يوم الخميس في صالة مركز الامير سلطان الحضاري والتي جمعت الشعراء غازي البستان وسعيد العمودي ومقبل الفهد كان الشعر حاضرا وبقوة وهذا ليس بمستغرب من الشاعرين البستان والعمودي لكن بالنسبه لمقبل الفهد الذي يشارك لاول بمره بأمسية شعريه بل انه كان اسم غريبا على الساحة الشعريه بشكل عام فلم يكن احد يتوقع ان يتسم حضوره الاول بالقوة او ان يتفاعل معه الحضور بالهتاف والتصفيق بهذا الشكل اللافت .
الامسية بدأت عند العاشره مساء فقدم عريف الامسية الاستاذ فهاد الشيحي الشاعر غازي البستان فكان لقاء البستان بالحائليين حميما حيث قال انه لم يأتي الا لحائل ولاهل حائل عبر هذه الامسية .ثم انطلق بأولى القصائد التي تحدث بها عن حائل وامير حائل فقال :
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
صدورنا منزوعة الفتايل=إلا ليا من قِضـَّـن الجدايل
(أبت أجا أن لا تسلم جاره=بأكناف حايل)ياإبعدي ياحايل
بأبوي و أمي أنتي وكم إنتي=حبك مسويَّ فيني الهوايل
على النقى ياحايل ولك نرخص=عمارنا يازهرة الخمايل
المسك و الكافور ريح ترابك=عِطر الشمال وعَطرة الشمايل
ومنهو تعزوى فيك يبشر والله=بـْـعِـزَّه ونجرّد الصقايل
بـِـحمى هل التوحيد و(أخوة نوره)=وأهل الفعايل والعقال المايل
هل السخى والمرجله والعفه=(هل العوجا)لاطمين العايل
آساد نجد ٍ والحجاز وسادة=الأمتين وقادة الفصايل
العُرب والإسلام من حشمتهم=تِحشـَم و يحشـَمون ٍ القبايل
كم ناصروا وزبّنوا و آعانوا=وساعدوا وشدوا الرحايل
يا الله تعز بلادنا وتصونه=آآآمين يمجيب الدعاء للسائل
والراس وبلادي حِرّه=(سعودي)الأوطان والخصايل
ويا الله يامن لا تعد وتحصى=فضايلك ياراعي الفضايل
بإسمك ومنهو ما تحيزم بإسمك=تكثر عليك من الدهر دحايل
رحماك لا ملجأ ولامن مهرب=إلا إليك وفزعتك نخايل
ألوذ بك و أعوذ بك و أجيرك=من الفتن يامنشي المخايل
ويا مجري السحايب من المنشا=ومسقي ٍ عدوك النكايل
سبحانك و كلتا يديك اليمنى=غفار ذنب و معطي الجزايل
أزبن عليك و أحتمي بركونك=لازمجرت من كل حدب يهايل
يا(( قصر أجا ))كيف إنت يا قصر العز=عسى(الأديرع)دايم وهو سايل
كيف إنت يا متشمرخ ٍ بالعالي=يا أخ العلا وراعي الجمايل
كيف إنت يا ذرى اليتيم وملجا=المهلكين ورادم الهمايل
كيف إنت يا عز اللذي يزبن بك=من الوزى والعوز والرزايل
كيف إنت يا اللي يستظل بظلك=من جاك يشكي لاهب القوايل
كيف إنت يا مْكيل الفقير وكاسي=العجز والشيبان والعوايل
يهديب شام المثقلات حموله=بليهي وشيّال ٍ الثقايل
يا أخ الأرامل والعضيد وكافل=المتربين و كاسب النفايل
كم شارب ٍ دسّمته وكم لحيه=كرّمتها يازاكي السلايل
إنت العرين و يكمن بأحشائك=شبل الشرى نضايل الأوايل
فرز الوغى نطّاح وجه الغاره=عوق الغريم ليا أعيَت المسايل
الجازر البتع العديم النادر=خطل اليمين ومركي الدبايل
والقيدم الصعل الصليل الساطي =عيهور ربعه حزة الصمايل
هذا الأمير :سعود عبد المحسن=عين الحياة ومنبع الزلايل
من له ليا تلولسن حباله=غيره ليا تتالت الجلايل
أصبح أمير قلوبنا من ساعة=ماصار أمير ٍ في إمارة حايل
همومنا من يوم ماشرفنا=زالت و أغليناه والشر زايل
وصدورنا منزوعة الفتايل=إلا ليا من قِضـَّـن الجدايل
(أبت أجا أن لا تسلم جاره=بأكناف حايل)ياإبعدي ياحايل
[/poem]
ثم جاء دور الشاعر سعيد العمودي الذي كتب عن حائل ايضا وكذلك الشاعر الواعد مقبل الفهد الذي اجاد في قصيدته فاخترنا منها
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الصيف جانا وابتدت رحلة الصيف = وكلٍ على ماقيل دور مصيفه
ياما جمع بين القلوب المواليف = وياما فرق بين الوليف ووليفه
احدٍ يصيف بين باريس وجنيف = واحدٍ يحكمنه ظروف الوظيفه
وانا مصيف بالجبال المشاريف = في ديرةٍ نسمة هواها لطيفه
حائل سقاها الله بوبل المقانيف = من مدلهمٍ مايوني رفيفه
الديرة اللي تكرم الجار والضيف = من عهد حاتم والسنين القصيفه
سكانها مايحسبون التكاليف = اهل الكرم واهل النفوس العفيفه
واليوم راية كلمة الحق والسيف = بظلالها كل النواحي مريفه
عذوا جوانبها عن اللوم والحيف = اخوان نورة بالسيوف الرهيفه
وحائل بظل سعود فوق التواصيف = مصيونة مثل الفتاة الشريفه
وياللي مصيف بين باريس وجنيف = جرب جبل حائل وجرب مصيفه
[/poem]
ليتناوب الشعراء على تقديم القصائد التي كسبو فيها قلوب الجماهير قبل هتافاتهم
من قصائد العمودي
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياهيه لوبررتلي كل الاعذار =يبقى لي الواقع يقول الحقيقه
والصيت يبقى والفنا حظ الاعمار =والوقت يغرينا ويجذب بريقه
اصغي وانا باقولك والخطا صار=والعذر مادواى الجروح العميقه
[/poem]
الى ان قال
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
طعنت قريب جاوز حدود الاسرار =وحطم تماثيل العهود الوثيقه
ولاهي توافق راي في حكم الافكار =الاعلى ماقيل نار وحريقه
وانا على الطاروق في وجه الاعصار=لحظه يغيبنا ولحظه نفيقه
ابحتريه ان حرك الريح الاشجار ==واعاتبه مثل الصديق لصديقه
واليا انتصف ليل العنا عفت الاشوار ==وحملت نفسي فوق مالاتطيقه
قلت احملو نص الخبر ضمن الاخبار ==للشاعر اللي مايبور برفيقه
[/poem]
وقصيده للشاب مقبل الفهد
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
كل مالـدّت عيونـي بالقمـر ليلـة تمامـه=ماتذكر غيـر خـدك والمسافـات البعيـده
بس ربـي يـوم ميـز ميـزك بالابتسامـه=كل ماشفتك تبسم عشت لحظـاتِِِ ِ جديـده
ميزتك نجل العيون وميزتك بالخـد شامـه=وميزتك لاشافك المغرم دخلت القلب سيـده
من نظرته ماكُتب له من سهم عينك سلامـه=عاش طول العمر حبك جاري ِ ِ داخل وريده
هايمِ ِ قلبـي بحبـك ويتباهـا فـي هيامـه=لان لك طبعِ ِ فريد وتملك اوصافِ ِ فريـده
جامعٍ حلو الطباع وحاملٍ تاج الوسامه=كل ماجيت اكتب اسمك جاز لي نظم القصيده
انت حلم المبتلى واجمل ثواني فـي غرامـه=انت ذنب وانت رحمه ياحزن قلبي وعيده
اتصور فيك عمري وارسمه يومـه وعامـه=وكل ماآصل للنهايه اشطبه وارجع واعيـده
الله انه يغني النفس بحلالـه عـن حرامـه=ويدركك حض المحب ويقضي ايامه سعيـده
[/poem]
ومن قصائد البستان
(( مــزهــــريـــــــــه ))
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
للقلب باب000وللمفاتيـح=أصحـاب حـق ومقدريـه
الصدر شيّـال المصابيـح=والـروح حمّالـة أسيـه
وللأقرباء طعنات تجريـح=ماتشبـه طعـون البقيـه
تباً لهذا الحـزن يافريـح=وتبا ً لهـذي المسرحيـه
وتبا ً لمن خلانـي آطيـح=وتبـا لمـن خـلاّ خويـه
مانحني الهامـات للريـح=ولانبـيـع الشـمـريـه
خلف المحاني يكمن الشيح=وشمستيـن ومزهـريـه
ورزق ٍ ورى دمع التماسيح=نفوسنـا عـنـه غنـيـه
مسقينن إعدانـا ذرانيـح=لطّامـة خشـوم السريـه
وليا فزعنا نجلـي الويـح=فزعـة طنايـا جرهديـه
نبطش بعيِّيـل الزحازيـح=بطـش ٍ بليـا مرحمـيـه
هل المكارم وآهل السيـح=وأهل المواقـف والحميـه
وبنن يفوح وسمن ٍ يسيـح=وعلى هلا و يـا الله حيـه
ومنهو زبنا عنه الزيل=الضيم ونحل القضيه
ومن ضيق آيادينا بتسريـح=لأيــادي الله الفضـيـه
النـزف مايحتـاج تنقيـح=مثـل شمـس ضحـويـه
يحتاج للأوضاع تصحيـح=يامصلح أحـوال الرعيـه
أفكارنـا بـلا تصـاريـح=وأقلامنـا بــلا هـويـه
قلبي ولو عن مابه يبيـح=ماذاق أحـد لقمـه هنيـه
ماغير أنا وإهو المجاريـح=وطعوننـا ماهـي خفيّـه
بعيوننا شرهـه وتلميـح=وصدورنـا ماهـي خليّـه
مايـوم عيّدنـا مفاريـح=لاعيدفِـطـر ولاضحـيـه
قلبي وأطيح يقوم ويطيـح=شيّـال هَـم وهُـم أذيـه
شالرّاي ياهبابـة الريـح=يأهـل النقـى والمقدريـه
[/poem]
غازي البستان
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
على الله مالك الملـك العظيـم المعطـي المــــنـان=مسيّرهـا مشارقهـا تسـبّـح فــي مغاربــــــــهـا
إلاه الكـون غفـار الذنـوب مثبـت الأركـــــان=ولأجل إن ماتمور أرسى الرواسي فـي مضاربهـا
تربع فوق عرشـه منـزل الآيات و الفرقـان=تبـارك جـل شأنـه حـرز مكتهـا و يثربـهـا
عَلِيّ الشـان دحـار الطغاة وناصـر الإيمـان=مهيل البطـش نكّال العصاة وكان تاربهـا
فـلا ينبغـي للبحريـن أن تلتـقـي : ولاكــان=رست سفن البحر لـولا إن يشـاء و لا قواربهـا
على الصرح الثقافي والشرف بذ ّا خ يأهل الشان=تسنمنـا معالـي ضافـيـه مـحـد ٍ يعذربـهـا
فلا عز إنبنى من شق صـف ولا زهـت أزمـان=بـدون رجالهـا ولا جيـوش بــلا محاربـهـا
يشرفنـا تكـون الممكلـه مـن خيـرة الأوطـان=ويزودنـا شـرف لاعـزت إرجالـه شواربـهـا
تنوف الدار بعـزوم المليـك وتشمـخ بسلطـان=تلـوذ بنايـف وتمـاري بسلـمـان أعاربـهـا
محازمنـا إعصابـة روسنـا لاصكت الأكــوان=حمـاة البيـت خِـدّام الحـرم و اللـي يشارإبهـا
هل العوجا هل البيت المشرّع وآهل الإحسان=حواتم و المشاعل مشـــــعلينه في مساربها
هـْل العز والمعزه والعزاوي وآهل الميـدان=براكيـن السياده لا إصطلـت إحـذر تقربـــها
رجال ٍ لاطغـى كيـل الزمـان ترجّـح الميـزان=على روس الأفاعـي تدعـس وتاطـا عــــقاربهـا
رجـال ٍ علمونـا نعتبـر كـل الشعـوب إخـوان=مـع العالـم تقـول إن أكثـر العالـم أقاربـهـا
و إن الديـن مـن نبـل التسامـح وإن ماتنهـان=شبـال ٍ تتبـع إيعـاز الأسـود اللـي تدربـهـا
تربينا علـى حفـظ الحقـوق و حشمـة الأديـان=وحـب الـدار و ولاة الأمـور و كـي ضاربهـا
ولا دارت إرحاته و إعتلا شـان القنـا و الـزان=بريـق سيوفنـا صواعـق تـعـوذ بكهاربـهـا
سعوديين والفكر السعودي مِحصَن ومنصان=ويدعو للـــسلام و مِـفــصح النيه وعاربها
ب(إقـرأ) كـرّم الله أمـة الإسـلام و الأذهــان=ضميّـة نـور علـم وللعقـول اللـي يشرّبـهـا
لقيت إن الحسد عوق النجـاح و آفـة الإنسـان=ضغاين 000و الضغينـه توقـع النفـس فمآربهـا
وعرفت إن الجهل داء الشعوب ومعـول البنيـان=وشفت الظلم يلـعـن وحـدة الصـف و يخربهـا
يقولون الأمم( لاخير في مـن يرخـص البلـدان)=ولا سلطه لقايـد مــادرى وشـهـو يدورإبـهـا
يــــ(سور الصين )لاهابَد و رابَد أصفـر الطوفـان=عزيـز إحمـاك ياكاسـر تمـوجـات أكاربـهـا
فـلا نَصـرَه لمنهـو ماتحـرّى فزعـة الرحمـن=ولا رِفعـه لعـاقـل ماتعـلـم مــن تجاربـهـا
ليا كِثرت إعداها و أرجفت طلايـع الكذبــــان=عليـك معالجتهـا و العصـاة إضـرب غواربهـا
يشرفنـا تكـون الممكلـه مـن خيـرة الأوطـان=ويزودنـا شـرف لاعـزت إرجالـه شواربـهـا
[/poem]
ليعلن بعد ذلك عريف الامسية فهاد الشيحي انتهاء الوقت متمنيا للحضور امتع الاوقات واجملها مع صيف حائل وفقراته .
اليوم الجمعه سوف تقام امسية شعريه للشاعرين هادي الجنفاوي ومنصور الجلعود في نفس الموعد والمكان
[IMG]http://thumbs.bc.jncdn.com/af063a4fd4afb8c8259655634bec6207_lm.jpg[/IMG]
[IMG]http://thumbs.bc.jncdn.com/611ab889869c8b0e90f73e90ca0c1414_lm.jpg[/IMG]
[IMG]http://thumbs.bc.jncdn.com/649fbc4e2be3806c317191627d151579_lm.jpg[/IMG]
[IMG]http://thumbs.bc.jncdn.com/fc8c711cd9d3da135c1e1a023075db16_lm.jpg[/IMG]
[IMG]http://thumbs.bc.jncdn.com/fe22c527553ae0cf4fb00c91e6d96673_lm.jpg[/IMG][/ALIGN]
