[COLOR=red]عادل صغير الغضوري " صحيفة عين حائل "[/COLOR]

قصيدة مهداه إلي صاحب السمو الملكي الأمير سعود بن عبد المحسن بن عبد العزيز آل سعود أمير منطقة حائل حفظه الله ألقيت بمناسبة أسبوع المرور السابع والعشرين الخليجي 2011 بمركز الأمير سلطان الحضاري بمنطقة حائل

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اليوم الموقف هنا على الشاعر عسير=
اما تقدم واعتلا والا تراجع واستخار

ياهاجسي قم وانتهض وابدا بما يملي الضمير=
بنات فكري سقتها وابنتقي بالبكار

حث الركايب والقدم ماهمنا طول المسير=
وصل رسايل وافيه تاصل لصناع القرار

اول رساله للمليك كلمه عن الجمع الغفير=
نيابة عن شعبكم من صغار الي الكبار

مفادها تسلم لنا والحمد للرب القدير=
اللي شفاك ورجعك لجل المواطن والديار

تسال علينا بغيبتك ؟ حنا بنعمه والف خير=
بسنتمنى عودتك بالليل وطلوع النهار

وساعة صدور اجمل خبر سقنا البشاير للبشير=
وساد الفرح بالمملكة في كل حي وكل دار

وساعة حضوره سيدي استقبله جمع كبير=
لاتلوم شعبه ازدحم والكل وجه للمطار

صقر العروبه قد وصل ابو اليتامى والفقير=
هذي مزونه وامطرت عمت على كل الديار

ياسيدي الك الولاء الين مانلقى المصير=
ارواحنا من اجلكم واجسادنا حولك سوار

هو الملك…الا ملك لقلوبنا نور الضرير=
تواضعه مع رحمته بين بدمعه يوم حار

واللي يمينه سيدي سلطان يا نعم الشوير=
اللي لطم وجه العدو ما يرجع الابتصار

والنائب الثاني جبل ما زعزعه برد وهجير=
حسب الشريعه قد مشى من دون ظلم ودون ثار

خلا المواطن في آمن حتى ينام وهو قرير=
ياسيدي جعلك ذخر في امننا وشلون صار

والثانيه من هاهنا من ماقفي هذا نذير=
من شرذمه قد بينت على الوطن يبقون عار

في ودهم في ودهم نرجع على واقع مرير =
نرجع على عصر الجهل مابين حرب وبين نار

اللي زعموا باصلاحنا ناس تدار ولا تدير=
في ودهم هذا البلد يرجع ويصبح دمار

دستورنا هو نورنا منزل من الرب البصير=
ومجلس لشورى من ازل مركز مخصص للحوار

هذي تراها فتنه وقد اظهرت جرم خطير=
اشد من قتل النفوس اللي بحرمتها تجار

ارجع بفكرك للوراء واذكر لشر مستطير=
ثالث خليفه للنبي يقتل!وهو صاحب وقار

واللي بغى للزعزعه انسان خالي من الضمير=
بذرةمنافق بينت واليوم وده بانتشار

فليخسوا وليخسئوا وليذهبوا في زمهرير=
قولوا لهم قولوا لهم في الدين لانرضى خيار

بلاد طيبه والحرم من دونها السيف الشطير=
وحنا ترانا سيوفها لانادوا حماة الديار

هذا البلد لحمة جبل ما زعزعه كثر الصفير=
ذا شعبنا وحكومته ساروا لعز اشرف شعار

يبقى يرفرف هالعلم وحنا على صافي الغدير=
حنا ترى لحمة جبل وابعلنه سر وجهار

والثالثه لجل الرجال اللي على الكايد تسير=
ابطال الوطن وحماتها وصقورها نسل الحرار

هم العيون الساهره والكل بالقمه جدير=
اللي حفظوا امن البلد يحسب لهم الف اعتبار

لايفوتني ياحضورنا موضوع لازم له اشير =
موضوعنا باشبوعنا موضوع لازم له يشار

من مبتدا اسبوع المرور ( أصفط يمينك ياخبير)=
وابدا بربط الا حزمه خلك على نفس المسار

وعند الاشاره انتظر هلل وسبح واستخير=
لانك ترا في قطعها تحسب بضمن الانتحار

حوادث السير واخلفت للمقبره والا السرير=
ياكم بكينا كم ولد من فقدهم ذقنا المرار

شف اليتامى عيونهم هلت من الدمع الغزير=
قفت مواعيد الفرح ما عاد يرجى الانتظار

انت المواطن والامن وكل على نفسه مدير=
والتوعيه من اجلكم وهي الوقاية والعقار

والرابعه وجهتها لانسان مقداره كبير =
رمز الرجوله والفخر لاجاه مجال الافتخار

بعد اذنكم يا حضورنا قوموا… تحيه للامير=
امير حائل قادها نحو التطور والازدهار

ياسيدي واللي بقى كلمه مع البيت الاخير =
كلمه اذا ما قلتها يحدث لصدري انفجار

ياسيدي وان عودت يوما عبوسا قمطرير =
ارواحنا فدوه لكم وش عاد تاليت العمار

[/poem]