[COLOR=red]عادل العويمري " عين حائل "[/COLOR]

مساعد الرشيدي : لا غصيبه ولا حتى بحبة خشم
الأهداء الى صاحب السمو الملكي الأمير سلطان بن عبدالعزيز
بمناسبة شفاءه حفظه الله وأعاده لارض الوطن سالما غانما

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

نحمدك ياكريم ومابرجواك ياس=ياجزيل الوهايب يامديم النعم

ماعلى الدر ضيم ولا على الجود باس=يوم عًود حبيب الدار شيخ الكرم

طاب سلطان أبو خالد وزال العماس=وأنتهت كل ضيقة وأنجلى كل هم

بشروا به قلوب قد طواها اليباس=أونست من فراق الشيخ مثل اليتم

وبشروا به عيون مانهشها النعاس=لاغصيبه ولا حتى بحبة خشم

وبشروا به طوابير سقاها حماس=لين رويت سواعدها ثبات وعزم

وبشروا كل عزٍ ماعلية ألتباس=وبشروا ياسلام وبشروا يالنعم

الف لا باس ياللي ماأنهزع منك باس=رغم الأوناس وأمرار الدواء والألم

غبت عنا قوي إيمان مرفوع راس=وجيت سالم وغانم شامخٍ مبتسم

ياهلا بك عدد مااسمل جديد اللباس=وعد..ماحطمت..بالجود كفك رقم

كن لقياك ماء .. وكن الأيام كاس=مدها الله وزال بها العطش والسقم

جيًتك عيد .. وغيابك ظلام ودماس=بك تباشر قلوب وبك ترسخ قيم

تعتزي فيك ناس وتبتحل فيك ناس=وأنت في كل حالاتك جوادٍ شهم

مال علياك ياعلو المكارم قياس=يابعيد الهقاوي يالأبي الأشم

ياوسيع البنايد ياصعيب المراس=ياحجانا ليا ضاق المدى وأزدحم

ياكريم السجايا ياصدوق الحواس=لا .كبت بك .جواد..ولا عثرت بك قدم

مانشدنا قصايدنا على أية أساس=ترتكز في الحنايا مثل ركز العلم

لأنك أنت البديع ..ولأنك أنت الجناس=ولأن نبض القلوب اللي تحبك قلم

دمت للدار نبض..ودمت للطيب ساس=سيدي من وجودك .. لا خلا ولا عدم
[/poem]