[ALIGN=CENTER][COLOR=red]رسالة حزن شعب للملك عبدالله الإنسان[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامليك الخير قالوا يمنع المجلس أجيه = مدري إني بدون بشت! يعني المعنى "حثاله"
مادروا بإنـــي شمالــــي عــــزته منّــــه وفيـــــــه = ماخذا الهيبه بنسبه ولاخذاهــا " بالدلاله "
جيتهم شاعر ولكــــــن دون بشـــــت أرز فيــــه = أجهل الخامه تسوي بالرجاجيل الجماله
يوم وصلت هالأمور إغتاض همنٍ محتويــــــــه = كنت ناسيه وذكرني ياعسى روحي فدالــــــه
قلت أبحــــذف هالقصيده كان مقسومه تجيـــــــه = أو تطيح بيد شخصٍ يرتجي رب الجلالــــــه
شاعر خايف تصيبه عيـــــــــن صفرا وتبتليـــــه = لأبتدع قافه خلف هذال عاجز عنه قالــــــــه
وأمشي دروب الدليله ينّجــــــــــم فيها ويتيــــــه = والمعاني إمشعبه بإعجاز تربك من قرالـــــه
وأبتديها لاظهر وجه الملك " لعنه عليـــــــــه " = كل شخص يوم شافــــه مارفع كفه دعاله
يكفي إنه محتضنهم كل الأيتــــــــام بيديــــــــــــه = وألف غيره كان عايش لكن ميتم عيالــــــــــه
من سكاكا ود صادق للحفر حتى بريـــــــــــه = للطويله لين مكه معانقٍ شمّخ جبالـــــــــــــه
شفت شعبٍ مشتري حبك وقلبـــــك مشتريـــــــه = شاربينٍ نو حبك مرتوينه للثمالـــــــــــه
كلمتينٍ جيت أبنطقهــــــــــا وقول إني سفيـــــــه = لاتواخذ شاعرٍ مجنون والحزن إرتكالـــــــــه
لوتبرّا الغــــــــــــاز وأنكر معرفة حتىّ أخيـــــــه = وإنحرم من ورث عمه النفط والسبه خوالــه
وراس ماله عشرة أسهم والمؤشر زل فيـــــــه = يوم يصعد يوم ينزل وأصبح الكرسي ظلاله
والديون اللي شراها وبــــــــاع بيتٍ مشتريــــــه = ويش ذنب اللي مطلقها وتبرا من جهالــــــه
آه كم بيتٍ هدمـــــــه السوق يلعـــــن والديــــــه = ماعرفنا سوق الأسهم وش حرامه من حلاله
والهوامير سرقونــــــا ؟ يبومتعب وأنت فيــــه = ضيعونا وشردونا .. هالفقر وين الدوا لـــــه
لاإغنموا مال الفقـــــــارا وشردوهم وشعليـــــه؟ = يبني قصور بجنيف ولانقل همٍ وداله
دق تأشيره للندن وإنطلق سعد الفقيه = من عقب مكتب عقاري أصبح سياسه مجاله
صار يطعن في وطنا عقب عزن شاف فيه=كم ملايينن سرقها وسجلوها إثبات حاله
يامليك قلوب شعبٍ يرتجي ذالخير فيـــــــــــــــه = إفزع لشعبٍ يشوفك كالخليفه في مثالــــــــــه
سيدي إنشد علينا وشوف ويش اللي نبيـــــــــه = يعني أبسط هم حلوا مسألة هذي البطالــــــه
جامعي عامل بمطعم كيف تقبلها عليــــــه؟ = ضاعت سنينه تخصص وآخره شيــــل الزبالـــــه
والقصيبي صار مفتي فكره الغازي نزيه=جنب حقوق المواطن صار جيفارا العماله
وآه كم بنت إتخرج حلمها التدريس ليه؟ = أهلها بعرعر ولكن غربت عند الطواله
وأحزنتني بموت حادث قبـــــل زفتهــــا عليه = بنتن لشايب يتيمه ماتوا صغارن عياله
وإحتضن باقي جسدها ثم شهق يارب ليه =يرضي الله يبومتعب عيشــــةٍ الشايب رزالـه
كان غيرك ماألتفت للشعب من ينظر إليه = يأسنا فوق البطاله من جنوبه لي شماله
وكان قاف الحق يزعل رحمة الله تحتويه=لافنت دنياك بكره جاوب الله عن سؤاله
يوم حاكــم والفقارا والهوامير بيديـه = كلهم من دون بشت وينتظر وقت الإحاله
[/poem]
[SOUND]http://rahabrahab.googlepages.com/malek.rm[/SOUND]
[COLOR=blue]الشاعر " عادل الظفيري "
" عين حائل " خاص [/COLOR]
رسالة عاجله من حزن الشعب للملك عبدالله الإنسان
[IMG]http://rahabrahab.googlepages.com/30468_1150430670.gif[/IMG]
[IMG]http://thumbs.bc.jncdn.com/946aff223094c521431fa783b75ed7bc_lm.jpg[/IMG]
[IMG]http://rahabrahab.googlepages.com/416_01193158576.jpg[/IMG]
[IMG]http://rahabrahab.googlepages.com/large_37543_8802.jpg[/IMG]
