القرب يشرا  من الوجيه المسافير
والا الردي  تشري  موارد  فراقه
حيّيِت ياطلق  الرجـال  المــناعير
اللي رفع بالصدق صرح الصداقه
ماغيره عاصوف  لفح  المعاصير
ولاهمته  بقعاء  وسرع  اصطفاقه
له ماقفن مايقفه  خايب  الصير
اللي  مع  العالم  كثير  نفاقه
حر  ولد  حر  سلايل  نوادير
ماشاركه  بالعش  فرخ  السماقه
مرقابه  العليا  بروس  المواكير
لاخدّمت  برّق  الطيور  بعنّاَقه
مخالبه من  صيد  هده  قواطير
ماحلحل الصقـّــار عقدة سباقه
بالله وين اللقاه يالله عسى  خير
تخالف انظار العرب في مساقه
مدري نحى وجهة شرورة وخرخير
والا  كلته  النـار  وجهة  عراقه
ارثي قلوب أهـل النقى والمساطير
اللي بهـا مبدى الشرف من عماقه