سلام ،  ماهبت، نسيم الهباهيب
وعداد ماتبرق وترعد ،،  سحابه
عاش الوطن شامخ على العز ومنيب
والله يجازي،  من  بناه   ،  ورقابه
لم لم شتاته، بين  خوّه ، وتقريب
واصبح ، آمان وقبلها !!  كان غابه
هذاك  ابوتركي عطيب المضاريب
عبدالعزيز ؟!  الله، للاسلام جابه
الفيصلي، وحّد سهال ومهاضيب
وحكم ، بشرع الله ،  وطبّق كتابه
واليوم من فضل الولي عالم الغيب
نعيش . في امن ،  وامان ورحابه
في عهد حاكم مخلص ورايه مصيب
حكيم،  قايد، والوغى ، مايهابه
بعزمه وحزمه ادّب الفرس تاديب
يمشي على هدي النبي والصحابه
صليب راي ومايهاب ، المصاعيب
متواضعٍ  ،  يفتح لمن جاه ،  بابه
وحجّاج بيت الله  رعاهم بتوجيب
هو خادم البيتين ، واللي، سعابه
عاش الملك سلمان ستر الرعابيب
طلايعه تقصف  جحور العصابه
والحرب مايرجي وراها مكاسيب
الا العروبة   ؟  مايدنّس  ،  ترابه
الله يجازيه ، الدرجات ،  ويثيب
ويطوّل بعمره ،  ويجزل  ،   ثوابه
وولي عهده وارث العز ، والطيب
سيفٍ لابوه ْبوجه الاعداء سطابه
و وزير جيش  وجاهزٍ دوم  ومْهيب
والموت والله ، مايحسّب!  حسابه
محمد ابوسلمان ،  رام  المراقيب
كلٍ  ذكر فعله ،  وكلٍ ،  حكابه
المملكة منهو نوى حربه ،  يخيب
ويذوق من حر اللهيب ،  وعذابه
تمت وصلوا . عد مافاح من طيب
على الي ربه يم الاقصى ، سرابه