لاعاشرك شخصً وفجأه يقاطعك
اضرب صليب  لعشرته  ولكيانه

 لاناشدً  عنك  ولاهو   مسانعك
طول البطى ينسي زمانك زمانه

وش لك بخوه ما تعالج مواجعك
عليك  باللي  مايزحزح  مكانه

ياقف ليا ظاقت على الحلق مجرعك
زحزيح  مايخلف  هقاوي  ضمانه

عده سلاحً  في  يمينك  يشجعك
لاصكو  العدوان  وسنو  سنانه

همك يهمه والذرى عن روابعك
قريب لك لو هو  بشاطي  عمانه

حطه يمينك  لاتكثر  مرامعك
كثره  وقله  في  زمان  الخيانه

الله فرق خلقه  وقوى  مفازعك
وبأمره يحطك  بين ذل  ومهانه

          عقيل بن دليقم