( عوج النصايب )
لاضاق صدرك يا رفيقي ومليت
وجتّك الهجوس الآذعة مستمده
وشفت الوجيه اللي مثل فرت الميت
أهل القلوب العاصيه والمصده
انص الحرم وانص الذي شرع البيت
رب السماء قسام رزق المكده
هو الذي بأمره وضله تتقيت
اخشى عذابه وارتجيله موده
سبحانه المعبود وأرضاه بديت
على جميع الكائنات المحده
يالله ليا مني بقبري تواسيت
(وعوج النصايب) ركزوها بشده
ذرب جوابي للمحاسب بتوقيت
خوفي يتخثع منطقي في مرده
ماينفعن مالً و لاينفعن صيت
ولا ينفعن جاه العمومه ومده
ولاينفعن من هو بقربه تهقويت
خلان ليا حد اللحد لاتعده
ولاينفعن بَنِي العمارات والبيت
ملفاه للميراث قسماً يكده
مار اطلب اللي بقدرته يحيي الميت
يقسم لنا الجنه وخيره يمده
عقيل بن دليقم
