ياوردتن شاله عن القاع زملوق
ريح الهواء من كل جانب يهزه
على نبات القاع تميزت فوق
باول نبات العشب بيام عزه
فلت حجاج الي شكى صدره الضوق
الي حياته من زمانه تهزه
من كبر ماب النفس ربعت يالشوق
مدري على الله وين وضعي نلزه
مالوم قلبي ليه ذايب ومحروق
حظي على جمر المصايب يكزه
السلعة الي حطمت عندي السوق
في منتهى المعنى ليا قلت رزه
دورت قلبي ضاع مني ومسروق
جسم بليا قلب مافيه مزه
كيف الحيا من بعض الا شخاص مدفوق
بدون ذنب الادمي يستفزه
وشلون عرق الورد ينبت على البوق
والبوق ماحد في عربنا يعزه
والصقر حطوله مراكيب وسبوق
من شان مايكفخ على كل حزه
ياهوه يادلوع يالذة الذوق
قدر هذاك اللي محانيه فزه
سمك بوسط الكاس مخفي ومدقوق
سم سهومه في خفوقه تجزه
دوبك على حاله تمدابه العوق
كنك مثل فعل اليهودي بغزه
شف جيب ثوبه لجل فرقاك مشقوق
نار الشقا في وسط قلبه توزه
ياورد يازملوق لاتصير مطفوق
شف جسم خصمك كل ذاري يهزه
فهاد محمدالريس
