ابيات متواضعة بمناسبة شفاء ابونايف سلطان المسمار:
سلام مني لابن مسمار سلطان
وعلى ضيوفٍ بالسلامات هنّوه
نقولها لاباس من قلب ولسان
سلامتك ياشيخ من كل مكروه
تسلم عظامك ياموارث عليان
وبعذر من مثلك لو الكل حبّوه
كريم طيب تجزي الخير باحسان
وشرواك مانستغرب الناس لوجوه
سلطان يفرح كل ماجوه ضيفان
الضيف لا من جاله يقول قهووه
وقولة هلا سمو على سلم شيبان
الله يرحم من على الطيب ربّوه
قولو معي امين ياضيوف سلطان
ابدعي الله يحْفظه وانتم ادعوه
لعياله يخليه ويعيش بآمان
حيو ابن مسمار سلطان حيّوه
عليانيٍ معروف للطيب عنوان
النعم كسبه بالمجالس اذا اطروه
من لابةٍ يوم المواقيف شجعان
خويهم لاطاح بالكون شالوه
والنعم بالعليان من ماض الازمان
اللي يصافيهم على طيب صافوه
توجد مفضي على اطراف رمان
يبي فراق الدوم تكفون ياهنوه
يقول: ثمان سنين ياحمود جيران
ومنزهن وزني واذا قل زادوه
اولاد علي يوم المعارك والاكوان
ياطيبهم طيباه والذيب عشّوه
شمر فخر شمر تواريخ يااخوان
فرّيسها بالسيف والدم خطّوه
قلته وانا من لابةٍ شانها شان
روقي اذا عدو هل الطيب عدّوه
وكل القبايل نعم من دون نقصان
ولاعليهم زود والصيت كسْبوه
واختامها صلوا عدد مالقمر بان
على النبي واعداد ماسهيل شافوه
اخوكم الشاعر/ نايف العبيد
الاربعاء ١٢ / ١ / ١٤٤١هـ
