[ALIGN=CENTER][COLOR=red]" البطاله والبطانه ورغيف الأيتام "[/COLOR]

لم نخلق شعراء
وجعلونا نعاني
فأجبرنا لنكون شعراء
في غيهب يخلو من اي شعور

مختصره بالصوت مهداه للقلوب الرحيمه والفقراء
[RAM2]http://rahabrahab.googlepages.com/jeneef.rm[/RAM2]

[poem=font="Microsoft Sans Serif,4,darkblue,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بنت عز ومسكنك قصر بجنيف = ودي أفهم كيف صرتي معجبه
معجبك صوتي أو الحظ الكفيف = يوم ضفتيني بإيميلك ياهبه
أو تظنين الحزن عالم ظريف = مفتقد عندك وأنا من يجلبــــه
الحزن يا آنسه حسرة رغيف = حلم لأيتام .. البطــــانه تسلبه
الحزن خريج نايم عالرصيف = ينتظر تعيين والفقر أتعبــــه
الحزن بنتٍ أهلها في طريف = عينوها بالحفر متغربه
الحزن رجال في رتبة عريف = يحرسك وأنتي حقرتي منصبه
الحزن شعبٍ جهل معنى مصيف = يحلم يسافر فرنسا براتبـه
الحزن فقر عرفنا فيه حيف = بالشعر خلا التسول موهبه
الحزن لامن لفا للبيت ضيف = كم جرح هالضيف قلب معزبه
الحزن .. صعبه أوصف لك وكيف = شارعٍ مظلم خلي بس أتربه
الحزن حلمٍ حلمنا به مخيف = منه حتى الخوف قصرك جنّبه
الحزن فصل السنه كله خريف = وأنتي فصولك ربيع ومعشبه
آه يابنت الحشم ماني خفيف = تعشقيني كذبةٍ وين الشبه
نظرتك من فوق لأي معدم عفيف = نظرة اللي واطين فوق عتبه
[/poem][/ALIGN]

[COLOR=darkblue]الشاعر " عادل الظفيري "
" عين حائل " خاص [/COLOR]