[ALIGN=CENTER][COLOR=red]حايل يعل مزونها كل العيون تشوفها[/COLOR][/ALIGN]

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حايل يعل مزونها كل العيون تشوفها=تبرق وترعد ويغشا وجه الثرى همالها
بعداد ماقالت هلا لارحبت بضيوفها=وعداد مافاح الكرم من شاذلي دلالها
حايل وش أحكي جودها ولا بياض كفوفها=ولا صحايف عزها ولاشموخ جبالها
شعبانها وديانها سهل الطريق ريوفها=ضلعانها قيعانها أسرار سحر رمالها
خيولها غاراتها ركب الصعاب سيوفها=تاريح أهلها ناسها ولا أفعال رجالها
هداتها مداتها أحسانها معروفها=رذاذها ذعذاعها دلالها جمالها
من جالها مره يعجز يمرها ويطوفها=وروحو أنشدوا من بعدها كم مره راح وجالها
حتى القصايد لاطرت حايل تزين حروفها=ماشفتو الشعار في حايل خيال أقوالها
ليه القمر قالوخسف والشمس بان كسوفها=مروا على سلمى وأجا وتريحو بظلالها
هذي عروس المملكه كل القلوب دفوفها=الحايلي مول لها والسامري غنالها
أن جيتها زاير فانا واحد وضمن ألوفها=وأن جيتها عاني فانا واحد من أغلا عيالها
أنا ولدها الشمري وأنا حشاشة جوفها=وأنا خلايف جدها وفال النشاما فالها
حبيبها وهيمانها ومغرومها وملهوفها= ويزين حالي لاغدا ريح وطيب حالها
من شانها ماكينة الموتر حرقت بلوفها=وش يعني قامت خبطت فدوه نجيب بدالها
من شانها تهون الدروب المخطرات وخوفها=حلالها عمري وكل ماملك بعد حلالها
أشفق لها وأحبها كثر الحلا بوصوفها=وأشتاق له كثر الكرم لاجا ومر فبالها
لها علي أن مر شهر ألا أجي وأشوفها=ولي عليها لارحلت أدفن بصافي رمالها
[/poem]

الشاعر:الحميدي الشمري
"عين حائل خاص"