[ALIGN=CENTER]
[COLOR=red]من تونس الدرس واضح[/COLOR][/ALIGN]

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
البارحه يوم كل ٍ نام بفراشه=قمت اتوجد على شوفة نظر عيني
وين انت يابهجة الخفاق وانعاشه=وين انت ياتالي ايامي مع سنيني
ياباشة الزين لو سميتك الباشه=ماهمني لو زعل باق المزاييني
يافتنة ٍ للعيون وسبة ادهاشه=أوقف دوي الجروح ولاتعنيني
قاسي والافكار من قسوتك منداشه=خذ قصتي مع قصيدي يمكن تليني
ناديت انا للقصيد وجاوبن جاشه=أبلشتني كل ليل ٍ وانت مشقيني
أحضرت لك صافي الابيات ماناشه=الشاعر اللي على الجزله يباريني
أبيات ٍ اجمل من المرجان في طاشه=جهزتها يوم تنخاني وترجيني
قلت العفو ياقصيد ٍ زود ارهاشه=هاجوسي اللي حوى جملة عناويني
دولة شعر حكمها عادل وانا باشه=وابياتها شعبي اللي مايجليني
بيت الشعر لو عصا ثم بين ابلاشه=مايعتقل بالسجن ضمن المساجيني
أخاف من ثورة الأبيات وهواشه=من تونس الدرس واضح للفهيميني
[/poem]

[COLOR=red]الشاعر /زياد عكروش الضويلي
" صحيفه عين حائل "[/COLOR]