[ALIGN=CENTER][COLOR=red]رثاء بطارش الحامد السعدون [/COLOR]

[URL]http://www.naif9122.com/amr/mrtdihtarsh.amr[/URL][/ALIGN]

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مرحوم ياطارش عسى الخلد مثواك=عز الله انك يابوحامد فقيده
ابن الحميدي يابن رشدان ينعاك=وبقعاء مع الخفجي وكل البديده
لن الكرم والطيب من فعل يمناك=تاقف وتفزع والمواقف شهيده
مايستضيق اللي يشاهد محيّاك=بقعاويٍ فيك المزايا فريده
الشعر يبحل باللي مثلك وشرواك = مقامك أكبر من بيوت وقصيده
يشهد على ماقول من كان خاواك=بالخفجي أيام الظروف الشديده
فتحت بيتك والطراقي تنصّاك=صيتك وصلنا بالبلاد البعيده
كم طارشٍ جالك من الضيم ينخاك = طفران ميّت جوع ( على الحديده )
ودقّيت صدرك يابو حامد لمن جاك = توظف وصارت حياته رغيده
سفير ديرتنا ولا أحدٍ تعدّاك = معروف دايم بالخصال الحميده
ورجعت لديارك وبقعاء تحراك=وقامت تبشر بك نفوده وبيده
جلست فترة في ديارك ووافاك=الموت والمعبود كل شي بيده
في ثالث الشهر الفضيل افتقدناك=رغم المرض تمزح ونفسك سعيده
الله يحلك يابو حامد ويجزاك=الخير والفردوس تجني حصيده
مرحوم ياطارش عسى الخلد مثواك=عز الله انك يابوحامد فقيده
[/poem]

[COLOR=blue]الشاعر : نايف العتيبي

" صحيفة عين حائل " خاص[/COLOR]