[ALIGN=CENTER][COLOR=red]مرثية أم[/COLOR]

هذه قصيدة رثاء بوالدته التي لم يمهلها المرض طويلا ومهما قدمنا من قصائد أو مال أوجاه أو خدمة أو معاناة أو شكوى أو ألم أو كل ما نملك بهذه الدنيا حتى أرواحنا لوالدينا فلن نبلغ ولو جزءا بسيطا من حقهما علينا فيا الله نرجو رحمةك فيما لم نقدمه لهما كنا مقصرين أو عاجزين أو غافلين ، وهذه القصيدة قلتها تعبيرا عن مافي صدري من ألم وحسرة على فراقها .و التي توفيت مساء الجمعة 14/1/1433هـ ،ودفنت السبت الموافق 15/1/1433هـ .رحمها الله وأسكنها فسيح جناته
(إنا لله وإنا إليه راجعون)

[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله من هـم ٍ بقلبي يلـوعي=من لـوعته صدري عليه الدهر مـال

البـارحة قلبي شكنّه ضلوعي=والصـدر أعلن في حشا الجوف زلزال

مماجرى يانـاس قلبي فـزوعي=والدم في عـروقي نشف نشفة الجـال

والموق في عيوني هميله دمـوعي=من حـر مـابي ياسعد دمعـها سـال

أمشي مع السكة مخالف طبوعي=ولاهمـني ياسعد شـامت وعــذّال

ياالله ماني على أمرك جزوعي=لاشـك فقد الأم خـلا ّ بي هبــال

غابت عن الدنيا ولاله رجوعي=لوتنفدي نفداه بالروح والمال

وياالله أنا راضي بحكمك قنوعي=حكـم ٍحكمته قبل نخـلق بــآزال

تلوفنا الدنيا على غير طوعي=ونصـبر على دنيـا لها اقفاي واقبال

ولو طالت الدنيا بوقته هجوعي=لابــد مـاترحـل وحنّا معه رحال

والموت لو هو ينّطِح بالدروعي=والله فـلا لـه منزل ٍ يمّها ومدخال

وعزاي بأمي يوم شفت الجموعي=صـــلّوا عليـها طيبـين ٍ بالفعـال

جمع ٍ غفير ٍ من سلايل ربوعي=ومـن القبـايل والعجـم روم ونيبـال

الله يجـازيهم بحسن الزروعي=الي حـضر منهم ومن بالدعـاء قــال

ويابوي شفت الحزن يمك رجوعي=عمّـي وأمّـي بينهم سـادس هــلال

ماجور يابو سعد أمرك سموعي=ومـن لوعـة الأيـام حنَّا لك ظــلال

ولو الليالي بحزنها لك تصوعي=حـنّا نشيل الحـمل لو كـانت جبـال

ويا قبر أنا من هالزمان مخدوعي=يكفيني إني مـن عـنا الـوقت مكـتال

ياقبر عندك أمّنا له أسبوعي=تكفى لايجـي يمّـها الـدود نشـال

تكفى ولو تبيني يمّك أفوعي=تراه أمانه عندك حذراك الاهمال

ياوجد حالي كل يوم ٍ ربوعي=يغيب زوله عنّي من بين الازوال

وياوجد حالي كل مازاد لوعي=على شقا فرقاه عيني بتنهال

والوجد يمّك يامحمد تبوعي=تفقد غلا من ميّزك بين الاشبال

رحوم تبكي للطفل لايجوعي=الله خلقها رحمة ٍ لكل الاطفال

أم ٍ حنون ٍ له سجود وركوعي=ومن رحمته تشقابنا وحنَّا رجال

وابذكر الي صار ليل الفجوعي=من مغرب الخامس عشر بالسماء العال

شفنا القمر عيّا علينا بطلوعي=أخسف بضوه مخالفٍ طقس الاحوال

وياالله يلّي لك صلاتي وخشوعي=تسكب على قبره من الغيث همّال

وتوسعه ياالله سبعين بوعي=وتجعله روضة من جنى الخلد وسهال

وتضوي على قبره كثير الشموعي=وتعوّضـه عن دنيته راحـة البـال

وفي جنة الفردوس خير المتوعي=تجعل لها يارب دار ٍ ومنزال

وياالله تقبل دعوتي مع خضوعي=وتجبر عزا منهو عليه الدهر مال

وصلاة ربي عد نبت الجذوعي =على النبي الهاشمي خير مرسال
[/poem][/ALIGN]

[COLOR=blue]سعود بن عبدالله العودة النويميس

( صحيفة عين حائل ) خــاص[/COLOR]