[COLOR=red]آهيب يالشيطان ياطول عمرك[/COLOR]

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
آهيب يالشيطان ياطول عمرك = من قبل آدم وانت يا ابليس موجود
كل همّك الإنسان بالله يشرك = تبي الكفر والشر بالعالم يسود
تسعى وتركض وانت عارف ومدرك = إنك بيوم الحشر بالنار موعود
آدم هبط للأرض باسباب غدرك = من حقدك المدفون خاواك مطرود
سمع كلامك يوم دقيت صدرك = صار اللي صار وبات بالزيف موعود
الله يزيدك هم ويزيد حرّك = والله يزيدك ويل وتصير ملهود
خيبه عليك , الكِبْر غرّك وجرّك = لدروب ظلماء دونها الباب مسدود
عش ماشئت يا ابليس والعصر عصرك = مادام حبل العمر مرخى وممدود
تمتع بدنياك واسكن بقصرك = لكن تأكد , كل شيٍ له حدود
ومصيرك المحتوم بالنار تبْرك = تبكي على مافات وأيامك السود
لو تعتذر مايفيدك اليوم عذرك = عمرك قضيته بالمعاصي يامقرود
حفرت يالملعون بيديك قبرك = يامغويٍ فرعون وأصحاب الإخدود
واختامها يارب عفوك وسترك = تبعدني يامعبود عن كل منقود
[/poem]

[COLOR=blue]الشاعر / نايف العتيبي
" صحيفة عين حائل الاخبارية " خاص[/COLOR]