[ALIGN=CENTER]قصيدة تجسد الواقع المر الذي لايعرفه أبناء الطبقات الراقيه

[COLOR=red]الواقع المر[/COLOR][/ALIGN]

[poem=font=\"Simplified Arabic,6,black,normal,normal\" bkcolor=\"\" bkimage=\"\" border=\"none,4,gray\" type=0 line=200% align=center use=ex length=0 char=\"\" num=\"0,black\" filter=\"\"]
بنت هاي ونص عمرك في جنيف = كيف صرتي بالفقّير معجبــه

.

معجبك صوتي أو الحظ الكفيـــف = يوم ضفتيني بإيميلك ياهبـــه

.

أو تظنين الحــزن عالم ظريــــــف = مفتقد عندك وأنا من يجلبــــه

.

الحـــــــزن ياسيده حسرة رغيف = حلم لأيتام .. البطــــانه تسلبــه

.

الحزن خريج نايم عالرصيـــــــف = ينتظر تعيين والفــــقر أتعبــــه

.

الحزن بنتٍ وأهلها في طريـــــف = عينوها بالحفــــــــر متغربـــه

.

الحزن رجال في رتبة عريــــــف = يحرسك وأنتي حقرتي منصبه

.

الحزن شعبٍ جهل معنى مصيــف = ماقوى يحجز سياحه راتبــــه

.

الحزن فقر عرفنا فيه حيـــــــف = بالشعر خلا التسول موهبـــــه

.

الحزن حلمٍ حلمنا به مخـــــــــيف = منه حتى الخوف قصرك جنّـبه

.

الحزن .. صعبه أوصف لك وكيف = شارعٍ مظلم خلي بس أتربـــــه

.

الحزن فصل السنه كله خريـــــف = وأنتي فصولك ربيع ومعشبـــه

.

آه يابنت الحشم ماني خفيـــــف = تعشقيني كذب !!هو وين الشبه

.

نظرتك من فوق لأي معدم عفيف = نظرة اللي واطيــن فوق عتبـــــه

[/poem]

[URL=http://rahabrahab.googlepages.com/garaab.rm]لتحميل القصيده بالصوت من هنا [/URL]

[COLOR=blue]عادل الظفيري[/COLOR]