[ALIGN=CENTER][COLOR=red]ماعاد به مظلوم والحاكم سعود[/COLOR]
[COLOR=darkred]
الله يارجل ظلم شخص ياسعود =شيطان يلعب في مخيخات راسه
مايطيع شيطان العرب غير مقرود=ولايزعل الا الي مايصدق احساسه
ناسن على كيفه تزعل بلا عود=تظلم وتهفي من ملاعين راسه
ياوقتي الي من الوفيين مفقود =مالي جدى غير الضحك والوناسه
اضحك مع الطيب واضحك لفرهود =وامشي على درب العناء والتعاسه
وقتن غدينا فيه بايامنا السود =تضحك عليناالمكلبه والبساسه
من شان ضعف المال ماعدلي جود =يبغا على كيفه ندش السياسه
السياسة الي مابها عدل وركود =ماضنتي يامير ينجح اساسه
حنا عرفنا ناس من قلوبها سود =وكل واحدن يمناه تصفق لناسه
بعض الملا بالظلم والزيف والزود =وبتصويتت الجهال شال الرياسه
وجدي على الي راح ماعاد بيعود =شايب على دور المهمات ساسه
من يوم راح وديرتي مابها زود=ماضنتي عقبه نشوف الوناسه
صارت علينا كلها حكى وردود =وكلن على الاخر يحكحك امواسه
من كثر حكي الظهر ملح بارود =وصارت على المظلوم وانشد باسه
لين العرب صارت تكل جلسه زيود =ماعاد تعرف ظهرها وين راسه
من واحد بعده غدا شيخ نمرود =يكتب على صدر الورق بنعكاسه
والي يقول الحق ماعادبه فود =مهما تطور وارتفع بالدراسه
والي يعيش بحسد ومرى وحدود =كسب رهانه واحتفل بالنجاسه
من دون حكام العدل جابهازود =بالواسطه والدسدسه والسياسه
واللجنة الي شكلت بعضها دود =بانت تقارير الردى والفلاسه
والخافي اعظم وبالبشر عندي شهود =لوغيروها من نكدهم بلاسه
ماقل دل وظالم الناس مردود =ودعوى بلا اثبات يطردك باسه
ماتنفعك الرورغه مابها فود =مادام ارضك طين والماي حاسه
حنا بدوله كلها حق وحدود =والانظمه تعلن على كل ناسه
ماعاد به مظلوم والحاكم سعود =والظالم الملعون ينداس راسه
يامير ياللي بالمهمات موجود=الشاعر الي جاك اعلن فلاسه
من ظالمن بالواسطه طيح العود =ويمشي على خطت تواقيع راسه
أنا دخيلك بالعدل صرت مفقود=هذي سنه بالرورغه والتعاسه
لا شفت شي بان ولاشفت مردود =نمشي على كف القدر واليباسه
عقاربن صفراء معه غيرها سود =والحافي العريان ستره الباسه [/COLOR] [/ALIGN]
[COLOR=blue]الشاعر : محيسن الفنيدل
" صحيفة عين حائل الاخبارية " [/COLOR]
